বিশ্বনাথত ভয়াৱহ দুৰ্ঘটনাঃ গছ পৰি গুৰুতৰভাৱে আহত দুজন

আজি বিশ্বনাথত দিন দুপৰতে সংঘটিত এটা ভয়াৱহ দুৰ্ঘটনাত দুজন লোক গুৰুতৰভাৱে আহত হোৱাৰ বাতৰি পোৱা গৈছে। আহত লোক দুজন হৈছে ক্ৰমে নুৰুল আমিন আৰু ছফিনা বেগম।

ঘটনাৰ বিৱৰণী মতে আজি দিন দুপৰতে এটা ব্যস্ততাপূৰ্ণ এটা পথৰ কাষত কোনো আগতীয়া সতৰ্কতামূলক ব্যৱস্থা গ্ৰহণ নকৰাকৈ এডাল গছ কাটি থকা হৈছিল।

সেই সময়তে এখন মটৰ চাইকেলত আহি থকা নুৰুল আমিন আৰু কলেজীয়া ছাত্ৰী ছফিনা বেগম গছ পৰি তেওঁলোক গুৰুতৰভাৱে আহত হয়।

স্থানীয় ৰাইজে দুয়োকে প্রথমে বিশ্বনাথ অসামৰিক চিকিৎসালয় ভৰ্তি কৰে যদিও  অৱস্থা শোচনীয় হোৱাত উন্নত চিকিৎসাৰ বাবে  দুয়োকে তেজপুৰলৈ প্ৰেৰণ কৰা হৈছে বুলি জানিব পৰা গৈছে।

ঘটনাটোক লৈ যথেষ্ট প্ৰতিক্ৰিয়াৰ সৃষ্টি হৈছে অঞ্চলটোত।

দিন দুপৰতে ব্যস্তাতাপূৰ্ণ পথৰ কাষতে কোনো সতৰ্কতামূলক ব্যৱস্থা গ্ৰহণ নকৰাকৈ কোনে কাৰ নিৰ্দেশত গছ কাটি আছিল সেয়া এতিয়াও ৰহস্য আৱৰ্তত।সেযেহে ৰাইজে ঘটনাটোৰ এটা উচ্চ পৰ্যায়ৰ তদন্ত দাবী কৰিছে।