বড়োলেণ্ড দাবী : ‘ই আন্দোলন’ আৰম্ভ এবছুকে ধৰি তিনি বড়ো সংগঠনৰ

বডোলেণ্ডকে ধৰি বড়োসকলৰ বিভিন্ন দাবীক লৈ এবছু, পি জে এ চি বি এম (People’s Joint Action Committee for Bodoland Movement) আৰু এন ডি এফ বি প্ৰগতিশীল (National Democratic Front of Bodoland-Progressive)এ আজি ৫ জুনৰ পৰা আৰম্ভ কৰিছে ‘ই আন্দোলন’ (e-movement)।

বড়োলেণ্ডৰ মুখ্য দাবীৰ লগতে বড়োসকলৰ বিভিন্ন ৰাজনৈতিক অধিকাৰৰ দাবীত সংগঠনকেইটাৰ সমৰ্থকসকলে আজি প্ৰধান মন্ত্ৰী, গৃহ মন্ত্ৰী, বিৰোধী দলপতি গুলাম নবি আজাদ আৰু বিজেপি সভাপতি অমিত শ্বাহলৈ ব্যক্তিগতভাৱে প্ৰায় ৮শ ই মে’ইল প্ৰেৰণ কৰে।

‘বিটিএ’দিৰ আটাইকেইখন জিলাকে সামৰা এই ই আন্দোলন জুন মাহৰ শেষলৈকে চলোৱা হ’ব’ চিৰাং জিলাৰ কাজলগাঁৱত ই আন্দোলন সন্দৰ্ভত আয়োজিত এক সভাত নৰ্থ ইষ্ট নাওক জনাই এবছুৰ সভাপতি প্ৰমোদ বড়োৱে।

বড়োৱে লগতে কয় ‘স্বাধীনতাৰ পিছতো বড়োসকলৰ অৱস্থা একে আছে। আমাৰ প্ৰত্যেকটো সাংবিধানিক অধিকাৰৰ বাবে আমি গণতান্ত্ৰিকভাৱে সংগ্ৰাম কৰিব লগা হৈছে। সেয়েহে সুকীয়া বদোলেণ্ড দাবীৰ বাহিৰে আমাৰ আন বিকল্প নাই।’