বৃহস্পতিবাৰে ১২ঘণ্টীয়া ডিমা হাচাও বন্ধৰ সময়ছোৱাত প্ৰতিবাদকাৰীলৈ মাইবাং আৰক্ষীয়ে গুলীচালনা কৰি দুজন লোকক হত্যা কৰাৰ বিৰুদ্ধে কোকৰাঝাৰত এবছুয়ে প্ৰতিবাদ সাব্যস্ত কৰে।
আজি কোকৰাঝাৰ জিলা এবছুৰ উদ্যোগত কোকৰাঝাৰ সদৰ চহৰৰ বডোফা শিশু উদ্যানত বহুসংখ্যক এবছুৰ সদস্যই মম বাতি জ্বলাই প্ৰতিবাদী সমদল উলিয়ায়।
সংগঠনটোৰ নেতৃবৰ্গই ডিমা হাচাওৰ ঘটনাৰ উচ্চ পৰ্যায়ৰ তদন্ত কৰি নিহতৰ পৰিয়াললৈ পঞ্চাশ লাখ টকা তথা আহতৰ পৰিয়াল লৈ পাঁচ লাখ টকাৰ ক্ষতিপূৰণ দিবলৈ চৰকাৰক দাবী জনায়।
ইয়াৰ উপৰি তেওঁলোকে চৰকাৰক ডিমা হাছাওৰ ভুমি আৰু ৰাজনৈতিক অধিকাৰ ৰক্ষা কৰিবলৈ দাবী জনায়।
প্ৰতিবাদী কাৰ্যসূচীত ৰাজ্যসভাৰ প্ৰাক্তন সাংসদ উৰ্খাওগৌৰা ব্ৰহ্ম, নেৰ্শোন বেচৰকাৰী সংস্থাৰ সঞ্চালক ৰাজু নাৰ্জাৰীও অংশগ্ৰহণ কৰে।