আজি মেঘালয়ৰ বিদ্ৰোহী কংগ্ৰেছ বিধায়ককেইজনে কৈছে যে তেওঁলোকে কেতিয়া কংগ্ৰেছ দল এৰিব লাগে সেই সম্পৰ্কত মুখ্য মন্ত্ৰী মুকুল চাংমাৰ পৰা কোনো পৰামৰ্শ লোৱাৰ প্ৰয়োজন হোৱা নাই। উল্লেখযোগ্য যে মুকুল চাংমাই কিছু দিনৰ আগতে দলৰ বিদ্ৰোহী বিধায়ককেইজনক দল ত্যাগ কৰিবলৈ প্ৰত্যাহ্বান জনাইছিল। আজি বিদ্ৰোহী নেতাকেইজনে তাৰে প্ৰত্যুত্তৰ হিচাপে এই মন্তব্য কৰে। ‘আমি উপযুক্ত সময়ত পদত্যাগ কৰিম, তেওঁ কিয় হস্তক্ষেপ কৰিব? তেওঁ আমাক পৰামৰ্শ দিব নালাগে। আমি পৰিপক্ব আৰু যথেষ্ট জ্ঞান আছে। গতিকে তেওঁ আমাক এইটো কৰ, সেইটো কৰ ক’ব নালাগে। কাৰণ তেওঁ আৰু এতিয়া আমাৰ নেতা হৈ থকা নাই।’ এইদৰে কয় প্ৰাক্তন কংগ্ৰেছী মন্ত্ৰী প্ৰেছট’ন টাইনছঙে। টাইনছঙৰ সৈতে সেই সময়ত প্ৰাক্তন উপ মুখ্য মন্ত্ৰী ৰ’ৱেল লিংডোও আছিল, যিজনেও কংগ্ৰেছ ত্যাগ কৰাৰ পথত। তেওঁলোকে শীতকালীন বিধানসভাৰ অধিৱেশনৰ পিছতেই পদত্যাগ কৰিব নেকি বুলি সাংবাদিকে সোধা এটা প্ৰশ্নৰ উত্তৰত কয়, ‘আমি খুব সোনকালেই পদত্যাগ কৰিম।’ টাইনছং আৰু ৰ’ৱেলৰ উপৰি দলত্যাগ কৰিবলৈ ওলোৱা আন আন কংগ্ৰেছী বিধায়ককেইজন হ’ল প্ৰাক্তন মন্ত্ৰী কমিংগ’ন য়িমব’ন, দুই ভাতৃ ক্ৰমে এনগেইটলাং ধাৰ আৰু স্নিয়াভালাং ধাৰ আৰু নিলম্বিত কংগ্ৰেছ বিধায়ক পিনছগেইনলাং এন ছিয়েম। ইয়াৰ টাইনছং, ৰ’ৱেল, কমিংগ’ন আৰু ধাৰ ভাতৃদ্বয়ে এন পি পি (National People’s Party) দলত যোগদান কৰাৰ কথা। আৰু পিনছগেইনলাঙে নৱগঠিত পি ডি এফ (People’s Democratic Front) ত যোগদান কৰাৰ কথা। উল্লেখযোগ্য যে ৬০জনীয়া মেঘালয় বিধানসভাত শাসনাধিষ্ঠিত কংগ্ৰেছৰ বৰ্তমান ৩০ জন বিধায়ক আছে। বৰ্তমানৰ বিধানসভাখনৰ কাৰ্য্যকাল অহা ৬ মাৰ্চত অন্ত পৰিব আৰু সেইবাবে অহা বছৰৰ ফেব্ৰুৱাৰি-মাৰ্চত নিৰ্বাচন হোৱাৰ কথা। চলিত বিধান সভাৰ অন্তিমখন ডিচেম্বৰ ৮ তাৰিখে আৰম্ভ হৈছিল আৰু অহা বুধবাৰে পুনৰ আৰম্ভ হৈ বৃহস্পতিবাৰে শেষ হ’ব।
মেঘালয়ৰ বিদ্ৰোহী কংগ্ৰেছী বিধায়কে উভতি ধৰিলে মুখ্য মন্ত্ৰী মুকুল চাংমাক
-
By NE NOW NEWS
- Categories: Uncategorized, মেঘালয়
Related Content
অভূতপূৰ্ব! পাকিস্তানৰ এগৰাকী মহিলাই জন্ম দিলে একেলগে ৬ টাকৈ সন্তান
By
এন ই নাও নিউজ
April 21, 2024 4:56 pm
LOKSABHA ELECTION 2024: উত্তৰ-পূবৰ ১৫খন লোকসভাৰ আসনৰ বাবে আৰম্ভ ভোটগ্ৰহণ
By
এন ই নাও নিউজ
April 19, 2024 8:35 am
কেমেৰাৰ সন্মুখতে ধন বিলোৱা তপন গগৈৰ প্ৰাৰ্থীত্ব কৰ্তনৰ দাবী আপৰ
By
এন ই নাও নিউজ
April 15, 2024 7:23 pm
“চিক্স পেক মানেই সুস্বাস্থ্য নহয়’’ : বিশ্ব স্বাস্থ্য দিৱসৰ দিনা কি পৰামৰ্শ দিলে অভিনেতা চনু চুডে?
By
এন ই নাও নিউজ
April 7, 2024 5:28 pm
যুদ্ধক্ষেত্ৰত নহয়, এইবাৰ প্ৰেমত ঠগিলে পাকিস্তানে : চুফীয়ে প্ৰতাৰণা কৰিলে অঞ্জলিক
By
এন ই নাও নিউজ
March 30, 2024 8:44 pm
মেঘালয়ত জন কেনেডীৰ হাতত গ্ৰেপ্তাৰ প্ৰাৰ্থী হিটলাৰ! নিৰ্বাচনী আয়োগৰ পোষ্টক লৈ চাঞ্চল্য
By
এন ই নাও নিউজ
March 20, 2024 8:20 am