এন ডি এফ বিৰ হৈ প্ৰশিক্ষণৰ বাবে ম্যানমাৰলৈ যাবলৈ ওলাওঁতেই ষ্টেইশ্যনতে ৬জনক আটক কোকৰাঝাৰ আৰক্ষীৰ

আজি সন্ধিয়াৰ ভাগত কোকৰাঝাৰ আৰক্ষীয়ে এন ডি এফ বিত ভৰ্তি হোৱা আৰু তাৰ বাবে প্ৰশিক্ষণ লোৱাৰ উদ্দেশ্যে ম্যানমাৰলৈ ওলোৱা ৬জন ল’ৰাক আটক কৰিছে। ইয়াৰ ভিতৰৰে তিনিজন নাবালকো আছে। কোকৰাঝাৰ আৰক্ষীৰ এটা সূত্ৰই নৰ্থ-ইষ্ট নাওক এই কথা জনাইছে।

আৰক্ষীৰ সূত্ৰটোৱে জনোৱামতে, এই ল’ৰাকেইজন ৰে’লেৰে ডিমাপুৰলৈ যাবলৈ ওলাইছিল আৰু তাৰ পৰা তেওঁলোক ম্যানমাৰত অস্ত্ৰৰ প্ৰশিক্ষণ ল’বলৈ যোৱাৰ কথা আছিল।

ইয়াৰে এজনক ৰংগোৱাৰ কোকৰাঝাৰ আৰক্ষী থানাৰ অন্তৰ্গত টাইকা নাৰ্জাৰি (২৪) বুলি চিনাক্ত কৰা হৈছে। আন এজনৰ নাম গেনেন্দ্ৰ নাৰ্জাৰি। আটক কৰাসকলক কোকৰাঝাৰ আৰক্ষীয়ে সোধা-পোছা কৰি আছে বুলি সূত্ৰটোৱে জনাইছে।