এন চি পিৰ সাধাৰণ সম্পাদক আৰু প্ৰাক্তন কেন্দ্ৰীয় মন্ত্ৰী প্ৰফুল পেটেলে আজি শ্বিলঙত দলটোৰ কাৰ্য্যালয় নিৰ্মাণৰ বাবে এটা আধাৰশিলা স্থাপন কৰে।
এন চি পিয়ে কাৰ্য্যালয় স্থাপন কৰিব খোজা উক্ত স্থান বিভাৰ ৰ’ডত নতুনকৈ নিৰ্মিত বিজেপি কাৰ্য্যালয়ৰ সমীপতে অৱস্থিত। কাৰ্য্যালয় স্থাপন কৰিব খোজা স্থানডোখৰ প্ৰায় ৩০০০ বৰ্গফুটৰ।
এন চি পিৰ বিধায়ক ই চি বি বামন মেঘালয়ৰ ৰাজহ মন্ত্ৰী থকা অৱস্থাত ৰাজ্য চৰকাৰে ২০০৮-০৯ চনত উক্ত ঠাইটুকুৰা আবণ্টন দিয়া হৈছিল। এন চি পিৰ ৰাজ্যিক কাৰ্য্যকৰী সভাপতি ৱিজয় ৰাজে জনোৱা অনুসৰি কাৰ্য্যালয় ভৱনটো সজাৰ বাবে বিস্তৃত হিচাপ ইতিমধ্যে যুগুতাই উলিওৱা হৈছে।
সৰ্বভাৰতীয় ৰাজনীতিত প্ৰভাৱ বিস্তাৰ কৰিবলৈ সক্ষম হোৱা এন চি পিৰ প্ৰতিষ্ঠাপক পি এ চাংমা মেঘালয়ৰে নেতা আছিল যদিও লক্ষণীয়ভাৱে এতিয়ালৈকে দলটোৰ ৰাজ্যখনত কোনো কাৰ্য্যালয় নাছিল।
উল্লেখযোগ্য যে নিৰ্বাচনমুখী মেঘালয়ত নিৰ্দলীয় বিধায়ক চালেং এ চাংমাই কালি চলিত বিধানসভাৰ পৰা পদত্যাগ কৰি দলটোত যোগ দিয়াৰ লগতে নেতৃত্বৰ দায়িত্বও লৈছিল।
