হোজাইত হজ যাত্ৰীসকলৰ বাবে আয়োজন দুদিনীয়া প্ৰশিক্ষণ কাৰ্যসূচী

মঙলবাৰে হোজাইৰ মাৰকাজ ৰাজহুৱা পুথিভঁড়ালত হোজাই জিলা হজ কমিটি আৰু আজমল ফাউণ্ডেশ্যনৰ গোট মাৰ্কাজুল মা’ৰিফৰ যুটীয়া উদ্যোগত হজ যাত্ৰীসকলৰ সুবিধাৰ্থে আৰম্ভ হয় হজ সংক্ৰান্তীয় দুদিনীয়া প্ৰশিক্ষণ কাৰ্যসূচীৰ।

এই কাৰ্যসূচীৰ উদ্বোধনী অনুষ্ঠানত মুখ্য অতিতি হিচাপে ধুবুৰী লোকসভা সমষ্টিৰ সাংসদ তথা আজমল ফাউণ্ডেশ্যনৰ মুৰব্বী মৌলানা বদৰুদ্দিন আজমল আৰু সন্মানীয় অতিথি হিচাপে উপস্থিত থাকে বৰপেটা লোকসভা সমষ্টিৰ সাংসদ চিৰাজুদ্দিন আজমল।

আনহাতে এই অনুষ্ঠানতে হোজাই জিলা হজ কমিটিৰ অধ্যক্ষ তথা হোজাই জিলাৰ উপায়ুক্ত মানবেন্দ্ৰ প্ৰতাপ সিঙ আৰু হজ কমিটিৰ সম্পাদক ফৰিদ উদ্দিন আহমেদো উপস্থিত থাকে।

জিলা হজ কমিটিৰ অধ্যক্ষ তথা উপায়ুক্ত মানবেন্দ্ৰ প্ৰতাপ সিঙে এই প্ৰশিক্ষণ কাৰ্যসূচীটো সুন্দৰ তথা নিয়াৰিকৈ আয়োজন কৰা বাবে মাৰ্কাজুল মা’ৰিফক আন্তৰিকতাৰে ধন্যবাদ জনায়।

মাৰ্কাজুল মা’ৰিফৰ কাৰ্যকৰী সভাপতি এচ এইচ চৌধুৰীৰ সভাপতিত্বত অনুষ্ঠিত হোৱা উক্ত সভাখনত প্ৰশিক্ষণ কাৰ্যসূচীৰ বাবে চাহাব উদ্দিনক বিশেষ প্ৰশিক্ষক হিচাপে নিযুক্তি দিয়া হয়।