৩৫সংখ্যক চহিদ স্মৃতি সোঁৱৰণী ক্ৰিকেট প্ৰতিযোগিতাৰ চেম্পিয়ন বজালী ক্ৰিকেট ক্লাব
নলবাৰীত অনুষ্ঠিত ৩৫সংখ্যক চহিদ স্মৃতি সোঁৱৰণী ক্ৰিকেট প্ৰতিযোগিতাত বজালী ক্ৰিকেট ক্লাবে চেম্পিয়নৰ খিতাপ অৰ্জন কৰে।
নলবাৰী আঞ্চলিক ছাত্ৰ সন্থাৰ সহযোগত নবাৰুণ ক্লাবৰ আয়োজন কৰা প্ৰতিযোগিতাখনৰ কালি নলবাৰী মহাবিদ্যালয় খেলপথাৰত অনুষ্ঠিত ফাইনেল খেলত বজালী ক্ৰিকেট ক্লাবে ইউ চি চিক ২১ ৰানৰ ব্যৱধানত পৰাস্ত কৰে।
উল্লেখযোগ্য যে প্ৰথমে বেট ধৰা বজালী ক্ৰিকেট ক্লাবে ২০ অভাৰত ২২৩ ৰান সংগ্ৰহ কৰিবলৈ সক্ষম হয়, আনহাতে প্ৰত্যুত্তৰত আই চি চি দলে বেট ধৰিব আহি ২০ অভাৰত ২০৯ ৰানত ইনিংছ সামৰিব লগা হয়।
কালিৰ উক্ত ফাইনেল খেলখনত বজালী ক্ৰিকেট ক্লাবৰ নয়ন চৌধুৰীয়ে ‘মেন অব দ্যা মেচ’ লাভ কৰাৰ বিপৰীতে একেটা দলৰে ভাস্কৰজ্যোতি দাসক ‘মেন অব দ্যা টুৰ্নামেণ্ট’ বঁটা প্ৰদান কৰা হয়।
ইয়াৰ উপৰি জিলাখনৰ বিশিষ্ট ক্ৰীড়া সংগঠক হৰিশ গোস্বমী আৰু দীপক কুমাৰ দাসক অৰুপ দত্ত সোঁৱৰণী বিশিষ্ট ক্ৰীড়া সংগঠক বঁটা প্ৰদান কৰা হয়।