হিমালয়ান ক’লা ভালুক হত্যাৰ লগত জড়িত মেঘালয়ৰ দহজন লোকে গ্ৰেপ্তাৰ বৰণ কৰিছে।
বুধবাৰে মেঘালয়ৰ বন বিভাগৰ দলে এটাই গ্ৰেপ্তাৰ কৰে লোককেইজনক।
তিনিজন লোকে এটা হিমালয়ান ভালুক হত্যা কৰি গৰ্বৰে ফ’টো উঠি চ’ছিয়েল মিডিয়াত ভাইৰেল কৰিছিল।
বন বিভাগৰ লোকে কালি পিয়নুৰ্ছলা মহকুমাৰ ম’পিয়ৰ্থহুহল গাঁৱৰ পৰা এই ঘটাত জড়িত ১০ জন গঞাক গ্ৰেপ্তাৰ কৰে।
এক সূত্ৰৰ মতে বন বিভাগৰ দলটোৱে বুধবাৰে গাঁওতখনত মৃত ভালুকটোৰ শৰীৰৰ অংশও উদ্ধাৰ কৰে।
বন বিভাৰ সূত্ৰৰ মতে গাওঁবাসীয়ে ফান্দী পাতি ভালুকটোক হত্যা কৰিছিল।
গাঁওবাসীৰ দাবী যে ভালুকটোৱে তেওঁলোকৰ মৌ বাঁহসমূহ ধ্বংসৰ কৰাৰ বাবে এনে পন্থা লৈছিল।
মেঘালয়ৰ গৃহ আৰু বন তথা পৰিৱেশ মন্ত্ৰী লেখমেন ৰেম্বুই কয় যে ভালুক হত্যাত জড়িতসকলক বন্য প্ৰাণী (নিৰাপত্তা) আইন ১৯৭২ অধীনত গ্ৰেপ্তাৰ কৰা হৈছে।
উল্লেখ্য যে হিমালয়ান ক’লা ভালুক বন্যপ্ৰাণী সংৰক্ষণ আইনৰ অধীত নিৰাপত্তা প্ৰদান কৰা হয়।
