অযোধ্যাৰ ৰাম মন্দিৰৰ শিলান্যাস হৈ যোৱাৰ পিছতে যেন দেশৰ বিভিন্ন প্ৰান্তত সুবিশাল মূৰ্তি স্থাপনৰ ধুমহে উঠিছে।
এইবাৰ ১২০ কিলোগ্ৰাম সোণেৰে নিৰ্মাণ কৰা হ’ব এটা সুবিশাল মূৰ্তি।
একাদশ শতিকাতে সেই সময়ৰ দক্ষিণ ভাৰতৰ অঞ্চল সমূহত সমাজ সংস্কাৰৰ কাম কৰা সন্ত স্বামী ৰামানুজাচাৰ্যৰ এই সুবিশাল সোণৰ মূৰ্তিটো স্থাপন কৰা হ’ব হায়দৰাবাদৰ পৰাপ্ৰায় ৪০ কিলোমিটাৰ দূৰৈত অৱস্থিত ৰামনগৰত।
ৰামনগৰৰ ৩৪ একৰ মাটিত নিৰ্মাণ কৰি থকা মন্দিৰটোত ২১৬ ফুট উচ্চতাৰ এটা পঞ্চ ধাতুৰ সুউচ্চ মূৰ্তিও ইতিমধ্যে সাজি উলিওৱা হৈছে।
স্বামী ৰামানুজাচাৰ্যৰ এই পঞ্চ ধাতুৰ মূৰ্তিটোক জনা যাব ষ্টেছু অৱ ইকুৱেলিটি বুলি।
স্বামী ৰামানুজাচাৰ্যৰ ১০০০ সংখ্যক জন্ম জয়ন্তীৰ সৈতে সংগতি ৰাখি ১২০ কিলোগ্ৰাম সোণেৰে নিৰ্মাণ কৰি থকা মূৰ্তিটোৰ লগতে পঞ্চ ধাতুৰ সুউচ্চ মূৰ্তিটো মুকলি কৰা হ’ব।
পঞ্চ ধাতুৰ মূৰ্তিটো নিৰ্মাণ কৰোতে খৰচ পৰিছে ৪০০ কোটি টকা।
একেদৰে ১২০ কিলোগ্ৰাম ওজনৰ সোণৰ মূৰ্তিটো সাজোতে খৰচ পৰিছে ৬০০ কোটি টকা।
চীনৰ এটা প্ৰতিষ্ঠানে দুয়োটা মূৰ্তি সজাৰ ক্ষেত্ৰত সহায় কৰা বুলি জানিব পৰা গৈছে।
সোণৰ মূৰ্তিটো মন্দিৰৰ গৰ্ভ গৃহত স্থাপন কৰা হ’ব ।
