অসমত ১৪১৬ নতুন ক’ভিড আক্ৰান্ত, পজিটিভৰ হাৰ ৫ শতাংশ

আৰু ১৪১৬গৰাকী ব্যক্তি শুকুৰবাৰে অসমত ক’ভিড১৯ পজিটিভ চিনাক্ত হৈছে।

যোৱা ২৪ ঘণ্টাত ২৮,৩০১টা ক’ভিড টেষ্টত এইসকলক পজিটিভ পোৱা গৈছে।

টেষ্টৰ তুলনাত পজিটিভৰ হাৰ ৫ শতাংশ। বৃহস্পতিবাৰে এই হাৰ আছিল ৩.৯৮ শতাংশ।

পজিটিভ চিনাক্তসকলৰ ভিতৰত আছে কামৰূপ মহানগৰৰ ৪৪৫, যোৰহাটৰ ১১০, ডিব্ৰুগড়ৰ ১০৩ আৰু গোলাঘাটৰ ১০১গৰাকী ব্যক্তি।

নতুনকৈ পজিটিভসকলক ধৰি অসমত এতিয়ালৈকে চিনাক্ত ক’ভিড আক্ৰান্তৰ সংখ্যা ১,৮৩,৮১২লৈ বৃদ্ধি পাইছে।

ইয়াৰে তিনিগৰাকী আন ঠাইলৈ স্থানান্তৰিত হৈছে।

ইপিনে আৰু দহগৰাকী ক’ভিড১৯ ৰোগীয়ে শুকুৰবাৰে অসমত প্ৰাণ হেৰুৱাইছে, মুঠ মৃতকৰ সংখ্যা ৭২১লৈ বৃদ্ধি পাইছে।

অসমজুৰি বিভিন্ন জিলাৰ ক’ভিড ৰোগী মৃত্যুমুখত পৰিছে।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

?Alert ~ 1416 #COVID cases detected out of 28301 tests today.

Positivity Rate for the day- 5%

Kamrup M- 445; Jorhat- 110; Dibrugarh- 103; Golaghat- 101

↗️Total cases 183812
↗️Recovered 147519
↗️Active cases 35569
↗️Deaths 721

8:30 PM, Oct 02#AssamCares pic.twitter.com/jrGYZ7pgSD

— Himanta Biswa Sarma (@himantabiswa) October 2, 2020

অসমত বৃহস্পতিবাৰলৈকে ৭১১গৰাকী ক’ভিড ৰোগীয়ে প্ৰাণ হেৰুৱাইছিল।

বিপৰীতে ১,৪৭,৫১৯গৰাকী ব্যক্তিয়ে বৃহস্পতিবাৰলৈকে অসমত ক’ভিডৰ পৰা আৰোগ্য হৈ চিকিৎসালয় এৰিছে।