বিহাৰত প্ৰকৃতিৰ তাণ্ডৱ লীলা: ধুমুহা-বজ্ৰপাতে প্ৰাণ ল’লে ১৬ জনৰ
প্ৰকৃতিৰ প্ৰকোপৰ সন্মুখত অসহায় হৈ পৰিছে বিহাৰ। যোৱা ২০ জুনত ৰাজ্যজুৰি বজ্ৰপাতত ১৭ জন লোকৰ মৃত্যু হোৱাৰ পিছত পুনৰ মঙলবাৰে ধুমুহা আৰু বজ্ৰপাতে তাণ্ডৱৰ সৃষ্টি কৰিছে বিহাৰত।
চৰকাৰী বিবৃতি অনুসৰি মঙলবাৰে সমগ্ৰ বিহাৰত বজ্ৰপাত আৰু বজ্ৰপাতত ১৬ জন লোকৰ মৃত্যু হয়।
চৰকাৰে প্ৰকাশ কৰা বিবৃতি অনুসৰি ৰাজ্যখনৰ পূব চম্পাৰণ জিলাত চাৰিজন লোকৰ মৃত্যু হোৱাৰ বিপৰীতে ভোজপুৰ আৰু চৰণত তিনিজনকৈ লোক নিহত হয়।
আনহাতে বজ্ৰপাতৰ ফলত পশ্চিম চম্পাৰণ আৰু আৰাৰিয়াত দুজনকৈ লোক আৰু বাংকা আৰু মুজাফ্ফৰপুৰত এজনকৈ লোক নিহত হয় বুলি চৰকাৰী বিবৃতিত উল্লেখ কৰা হৈছে।
ৰাজ্যখনৰ মুখ্যমন্ত্ৰী নীতিশ কুমাৰে এই মৃত্যুত শোক প্ৰকাশ কৰি প্ৰতিজন নিহত লোকৰ পৰিয়ালৰ বাবে ৪ লাখ টকাৰ অনুদান ঘোষণা কৰে।
তেওঁ লগতে জনসাধাৰণক প্ৰতিকূল বতৰৰ সময়ত সাৱধানতা অৱলম্বন কৰিবলৈ আৰু দুৰ্যোগ ব্যৱস্থাপনা বিভাগে জাৰী কৰা নিৰ্দেশনা অনুসৰণ কৰিবলৈও আহ্বান জনায়।