দুই যুৱক-যুৱতীৰ প্ৰেমৰ সম্পৰ্কক কেন্দ্ৰ কৰি কৰ্ণাটকত সংঘটিত হৈছে সাম্প্ৰদায়িক সংঘৰ্ষৰ। ৰাজ্যখনৰ কপ্পাল জিলাৰ হুলিহাইদৰ গাঁৱত হিন্দু আৰু মুছলমান ধৰ্মাৱলম্বী লোকৰ মাজত হোৱা এই সংঘৰ্ষত প্ৰাণ হেৰুৱাইছে দুগৰাকী ব্যক্তিয়ে।
জানিব পৰা মতে, অঞ্চলটোৰ এগৰাকী মুছলমান ছোৱালীৰ সৈতে প্ৰেমৰ সম্পৰ্ক গঢ় লৈ উঠিছিল এগৰাকী হিন্দু যুৱকৰ। মহৰম কাৰ্যসূচী চলি থকাৰ সময়ত যুৱকজনে যুৱতীগৰাকীক লগ কৰিবলৈ গৈছিল।
কিন্তু কোনো কথাত দুয়োগৰাকীৰ মাজত বিবাদৰ সূত্ৰপাত হয়। তেওঁলোকৰ মাজত হোৱা এই বিবাদত কিছুসময় পিছতে দুয়োটা সম্প্ৰদায়ৰে আন একাংশ লোকো সোমাই পৰে।
দুয়োপক্ষৰ মাজত সৃষ্টি হোৱা বাক-বিতণ্ডাই ক্ৰমাৎ সংঘৰ্ষৰ ৰূপ লয়। এই সংঘৰ্ষত প্ৰায় আঠগৰাকী লোক আঘাতপ্ৰাপ্ত হৈছিল।
আহত সকলৰ মাৰৰে পাশা ৱালী (২২) আৰু য়েনাকাপা তালাভাদ (৬০) নামৰ ব্যক্তি দুগৰাকীৰ চিকিৎসালয়ত মৃত্যু হয়।
সংঘৰ্ষৰ খবৰ প্ৰকাশ পোৱাৰ পিছতে আৰক্ষীৰ এটা দল ঘটনাস্থলীত উপস্থিত হয় আৰু পৰিস্থিতি নিয়ন্ত্ৰণলৈ আনে। সতৰ্কতামূলক ব্যৱস্থা হিচাপে অঞ্চলটোত প্ৰশাসনে বৰ্তমান ১৪৪ ধাৰা জাৰি কৰিছে।
