শিৱসাগৰত বিংশতিতম মৃত্যু দিৱসত ‘সেউজ কোঁৱৰ’ পৰাগ চলিহাক সোঁৱৰণ
স্বাধীনোত্তৰ কালৰ অসমৰ শিক্ষা, সংস্কৃতি, সাহিত্য, ৰাজনীতি, ক্ৰীড়া আৰু সমাজ সংস্কাৰ ক্ষেত্ৰখনৰ এগৰাকী স্বনামধন্য ব্যক্তি, অসমৰ এক উজ্জল নক্ষত্ৰ ‘ সেউজ কোঁৱৰ’ পৰাগ চলিহাদেৱৰ বিংশতিতম মৃত্যু দিৱসত মহান ব্যক্তিগৰাকীৰ প্ৰতি শিৱসাগৰত ৰাজহুৱা শ্ৰদ্ধাঞ্জলি নিবেদন কৰা হয়।
সেউজ কোঁৱৰৰ সপোনৰ আঁচনি শিৱসাগৰ কালীবাৰীৰ চাও-ল্যুং চ্যুকাফা ইনড’ৰ ষ্টেডিয়াম প্ৰাঙ্গনত থকা সেউজ কোঁৱৰৰ আৱক্ষ প্ৰতিমুৰ্তিত বন্তি প্ৰজ্বলন আৰু পুস্পাঞ্জলিৰে শ্ৰদ্ধা নিবেদন কৰে চলিহা দেৱৰ সহধৰ্মিণী দীপালী চলিহাই। শ্ৰদ্ধাঞ্জলি অনুষ্ঠানত শিৱসাগৰ জিলা উপায়ুক্ত ডা: লক্ষ্মণন এছ, লক্ষ্মীকান্ত মহন্তকে ধৰি বহুতো গন্যমান্য ব্যক্তি উপস্থিত থাকি শ্ৰদ্ধা নিবেদন কৰে।
মৃত্যু দিৱসৰ দিনটোত শ্ৰদ্ধাঞ্জলি অনুষ্ঠানৰ যোগেদি কাৰ্য্যসূচী সামৰা হয় যদিও মৃত্যু দিৱসৰ মূল কাৰ্যসূচী ৩০ জুনত অনুষ্ঠিত হ’ব। উক্তদিনা প্ৰয়াত চলিহাদেৱৰ ৰচনাৱলীসমূহ কিতাপ আকাৰে প্ৰকাশ কৰি উন্মোচন কৰা হ’ব।
শিৱসাগৰ নাট্য মন্দিৰত বিশিষ্ট সাহিত্যিক ড° নগেন শইকীয়াই ৰচনাৱলীখন উন্মোচন কৰিব। তাৰোপৰি নৱ প্ৰজন্মক মুখ্য কৰি সমাজৰ মাজত সেউজ কোঁৱৰৰ আদৰ্শ, কৰ্মৰাজি, দৰ্শনক জীয়াই ৰখাৰ বাবে