অসমত ২৫০৯ নতুন ক’ভিড আক্ৰান্ত, পজিটিভৰ হাৰ ৬.৯৬ শতাংশ

২৫০৯গৰাকী ব্যক্তি শুকুৰবাৰে অসমত ক’ভিড১৯ পজিটিভ চিনাক্ত হৈছে।

টেষ্টৰ তুলনাত পজিটিভৰ হাৰ হৈছে ৬.৯৬ শতাংশ।

যোৱা ২৪ ঘণ্টাত ৩৬,০২৭টা ক’ভিড টেষ্টত এইসকল ব্যক্তিক পজিটিভ পোৱা গৈছে।

পজিটিভ চিনাক্তসকলৰ ভিতৰত আছে কামৰূপ মহানগৰৰ ৫৪১, লখিমপুৰৰ ২০৭, গোলাঘাটৰ ১৯৭ আৰু যোৰহাটৰ ১৬২গৰাকী ব্যক্তি।

এইসকল ব্যক্তিক ধৰি অসমত এতিয়ালৈকে চিনাক্ত মুঠ ক’ভিড আক্ৰান্তৰ সংখ্যা ১,৫২,৮৫৮লৈ বৃদ্ধি পাইছে।

ইয়াৰে তিনিগৰাকী আন ঠাইলৈ স্থানান্তৰিত হৈছে।

ইপিনে আৰু ১২গৰাকী ক’ভিড১৯ ৰোগীয়ে অসমত প্ৰাণ হেৰুৱাইছে, শুকুৰবাৰলৈকে মুঠ মৃতকৰ সংখ্যা ৫৪০লৈ বৃদ্ধি পাইছে।

অসমজুৰি বিভিন্ন জিলাৰ ক’ভিড ৰোগী মৃত্যুমুখত পৰিছে।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

৫২৮গৰাকী ক’ভিড ৰোগীয়ে বৃহস্পতিবাৰলৈকে অসমত প্ৰাণ হেৰুৱাইছিল।

বিপৰীতে ১,২১,৬১০গৰাকী ব্যক্তিয়ে ক’ভিডৰ পৰা আৰোগ্য হৈ বৃহস্পতিবাৰলৈকে অসমত চিকিৎসালয় এৰিছে।