জম্মু-কাশ্মীৰৰ বান্দেপোৰা জিলাত ভয়ংকৰ দুৰ্ঘটনা। নিয়ন্ত্ৰণ হেৰুৱাই খাৱৈত বাগৰি পৰে সেনাৰ বাহনখন। এই ঘটনাত ৪ জন জোৱানৰ মৃত্যু হয়। আৰু ৩ জন আহত হয়।
সেনাবাহিনীৰ মতে, এই দুৰ্ঘটনা সংঘটিত হৈছে বাণ্ডেপোৰাৰ এছ কে পায়েন অঞ্চলত। আহত জোৱানক উদ্ধাৰ কৰি ওচৰৰ চিকিৎসালয়ত ভৰ্তি কৰোৱা হয়। স্থানীয় সূত্ৰৰ পৰা জানিব পৰা মতে, পাহাৰীয়া পথৰ এটা স্থানত গাড়ীখন ঘূৰোৱাৰ সময়তে সেনাবাহিনীৰ ট্ৰাক চালকজনে নিয়ন্ত্ৰণ হেৰুৱাই পেলায়। সেইবাবেই গাড়ীখন খাৱৈত পৰিল। বৰ্তমান ঘটনাস্থলীত কেইবাজনো উচ্চ পদস্থ সেনা বিষয়া।
অৱশ্যে এয়া প্ৰথমবাৰৰ বাবে নহয়। মাত্ৰ কিছুদিন পূৰ্বে ৩৫০ ফুট দ খাৱৈত বাগৰি পৰে আন এখন সেনাবাহিনীৰ বাহন। এই ঘটনাত নিহত হয় ৫ জন জোৱান। জম্মু-কাশ্মীৰৰ পুঞ্চৰ বালনয় অঞ্চলত সংঘটিত হৈছে এই ঘটনা।
১১ এমএলআইৰ সামৰিক বাহনখন নীলাম মুখ্য কাৰ্যালয়ৰ পৰা বালনয়স্থিত ঘোৰা পোষ্টলৈ গৈ আছিল, ১০-১১ জন জোৱান কঢ়িয়াই। সেই পোষ্টটোৰ ওচৰতে পাক এটা লৈ গৈ থকা অৱস্থাত হঠাতে গাড়ীখনৰ ওপৰত নিয়ন্ত্ৰণ হেৰুৱাই পেলায় চালকজনে।
