ইউৰোপ-ছৌদি আৰৱৰ পৰা অসমলৈ অহা ৫বিমানযাত্ৰীৰ দেহত ধৰা পৰিছে কোভিড-১৯ পজিটিভ

দেশত অ’মিক্ৰণৰ আতংক বিয়পি পৰাৰ মাজতে ইউৰোপ আৰু ছৌদি আৰবৰ পৰা অসমলৈ অহা ৫ বিমানযাত্ৰীৰ দেহত ধৰা পৰিছে কোভিড-১৯ পজিটিভ।

বাতৰি অনুসৰি, ৰাজ্যৰ স্বাস্থ্য বিভাগৰ এগৰাকী জ্যেষ্ঠ বিষয়াই নিশ্চিত কৰিছে যে কোভিড-১৯ সংক্ৰমিত ৪গৰাকী যাত্ৰী যোৱা ৬ ডিচেম্বৰত শিলচৰ বিমানবন্দৰত আৰু বাকী আনগৰাকী বিমানযাত্ৰী ৭ ডিচেম্বৰত গুৱাহাটী বিমানবন্দৰত অৱতৰণ কৰিছিল।

কোভিড-১৯ আক্ৰান্ত কেইজনৰ দেহত কোনটো ভেৰিয়েন্টৰ সংক্ৰমণ ঘটিছে সেয়া নিশ্চিত কৰিবলৈ তেওঁলোকৰ নমুনা কলকাতালৈ প্ৰেৰণ কৰা হৈছে।

Also Read: আজি শ্বহীদ দিৱস: কেনে আছে অসম আন্দোলনৰ শ্বহীদ টীয়কৰ পোৱাল দাসৰ পৰিয়াল?

বাতৰি অনুসৰি, উপসৰ্গহীন কোভিড আক্ৰান্ত লোক কেইগৰাকীক হাস্পাতালত ভৰ্তি কৰোৱা হৈছে।

শিলচৰত কোভিড পজিটিভ ধৰা পৰা এগৰাকী যাত্ৰী ফিনলেণ্ডৰ পৰা আহিছিল আৰু বাকী ৩গৰাকী লোক কৰিমগঞ্জ জিলাৰ। ছৌদি আৰৱৰ পৰা উভতি অহাৰ পাছত তেওঁলোকক আইছ’লেশ্যনত আছে। মঙলবাৰে তেওঁলোকৰ আৰটি-পিচিআৰ ৰিপ’ৰ্ট আহে।

শিলচৰ বিমানবন্দৰত কোভিড পজিটিভ ধৰা পৰা লোককেইজনক শিলচৰ মেডিকেল কলেজ হাস্পাতালত ভৰ্তি কৰা হৈছে। বাকী তিনিজনক কৰিমগঞ্জৰ চৰকাৰী অসামৰিক হাস্পাতালত ভৰ্তি কৰোৱা হৈছে।

Also Read: Big Land Scam: ভূমি কেলেংকাৰী; নিজৰ চাৰ্টিফিকেট নিজেই দিলে মুখ্যমন্ত্ৰীয়ে

আনহাতে, মঙলবাৰে নিশা গুৱাহাটী বিমানবন্দৰত উপস্থিত হোৱা মহিলা বিমানযাত্ৰীগৰাকী নৱেম্বৰত ব্ৰিটেইনৰ পৰা উভতি আহিছিল। অমৃতসৰত কিছুদিন কটোৱাৰ পাছত মহিলাগৰাকী গুৱাহাটীলৈ আহিছিল।

৩৪ বছৰীয়া মহিলাগৰাকীয়ে পাটনা হৈ গুৱাহাটীলৈ আহিছিল। তেওঁক মঙলবাৰে নিশাই গুৱাহাটী মেডিকেল কলেজ হাস্পাতালত ভৰ্তি কৰোৱা হয়।