আজি শ্বহীদ দিৱস। অসমৰ অস্বিত্ব ৰক্ষা আন্দোলনৰ শ্বহীদ সকলক স্মৰণ কৰাৰ উদ্দেশ্যে প্ৰতি বছৰে ১০ ডিচেম্বৰত উদযাপন কৰি আহিছে এই দিৱস। ৰজাঘৰেও আয়োজন কৰে এই দিৱস।
কিন্তু শ্বহীদ দিৱসৰ এই দিনটোত পোহৰলৈ আহিছে টীয়কৰ শ্বহীদ পৰিয়াল এটাৰ কৰুণ জীৱন কাহিনী।
অসম মাতৃৰ অস্বিত্ব ৰক্ষাৰ বাবে ১৯৮৩ চনত চি আৰ পি এফৰ বন্দুকৰ গুলী বুকুত সাবটি মৃত্যুক আকোৱালি লোৱা টীয়কৰ বনাই পথলিয়ালৰ শ্বহীদ পোৱাল দাসৰ পৰিয়ালটোৱে আজিও দৰিদ্ৰতাৰ মাজেৰে জীৱন কটাব লগা হৈছে।
Also Read: Big Land Scam: ভূমি কেলেংকাৰী; নিজৰ চাৰ্টিফিকেট নিজেই দিলে মুখ্যমন্ত্ৰীয়ে
দৰিদ্ৰতাৰে সৈতে যুজঁ দি শ্বহীদৰ মাতৃয়ে এই সংসাৰৰ পৰা বিদায় মাগিলে। দিন হাজিৰা কৰি চলিব লগা হৈছে শ্বহীদ পৰিয়ালটোৰ সদস্য সকল।
এনে দুৰ্বিসহ জীৱন কটোৱাৰ পাছতো কিন্তু শ্বহীদ পোৱাল দাসৰ পৰিয়ালটোৰ প্ৰতি কোনো সঁহাৰি নাই কি ৰজাঘৰ,কি ছাত্র সন্থাৰ।
পোৱাল দাসৰ স্মৃতিত পথলিয়ালত নিৰ্মাণ কৰা স্মৃতি সৌধটোকে আজি সুদীৰ্ঘ দিনে সম্পূৰ্ণ কৰিব নোৱাৰিলে। ৰজাঘৰৰ অনুদান লাভ কৰাৰ পাছতো সম্পূৰ্ণ হৈ নুঠিল স্মৃতি সৌধটো নহ’ল শ্বহীদৰ নামৰ পথটো।
এয়া জাতিটোৰ বাবে বা শ্বহীদ জনৰ প্ৰতি কৰা অপমান বুলি মতপোষণ কৰিছে ৰাইজে।
Also Read: CJI N V Ramana: ডাঙৰ ছাত্ৰ নেতাৰ অভাৱ গণতন্ত্ৰৰ বাবে ভাল কথা নহয়: দেশৰ মুখ্য ন্যায়াধীশ এন ভি ৰামানা
প্পশ্ন হয়, শ্বহীদ দিৱস প্ৰতি বছৰে বিশেষ দিনটোত উদযাপন কৰি শ্বহীদ সকলক সোঁৱৰণ কৰা হয় যদিও পোৱাল দাসৰ দৰে শ্বহীদ পৰিয়ালৰ আৰ্থিক দৈন্যতাৰ অৱসান ঘটোৱাত গুৰুত্ব প্ৰদান কৰিবনে ৰজাঘৰে?