ক’ভিড প্ৰতিষেধক ঔষধ ৰামদেছিৱিৰ (Remdesivir) ভুৱাকৈ প্ৰস্তত কৰি গ্ৰেপ্তাৰ হ’ল উত্তৰাখণ্ডৰ কটদ্বাৰ নামৰ ঠাইখনৰ ৭জন লোক।
দিল্লী আৰক্ষীয়ে কটদ্বাৰ, ৰুৰ্কী আৰু হৰিদ্বাৰত তালাচী চলোৱাৰ পাছতে তেওঁলোকক গ্ৰেপ্তাৰ কৰে।
আৰক্ষীয়ে তেওঁলোকৰ পৰা ১৯৬টাকৈ ভুৱা ৰামদেছিৱিৰ ইনজেকচন আৰু তিনি হাজাৰটা খালি বটলো উদ্ধাৰ কৰে।
তেওঁলোকে সেইসমূহ অবৈধভাৱে বিক্ৰীৰ বাবে সাজু কৰি ৰাখিছিল।
Delhi Police working on useful information arrested 5 culprits in a prolonged investigation & unearthed a ‘pharmaceutical’ unit at Kothdwar, Uttarakhand manufacturing large quantities of fake Remdevisir injections (COVIPRI) sold at price over Rs. 25000/- @HMOIndia @PMOIndia https://t.co/wDe0tixBMA pic.twitter.com/kdAKvdTi4B
— CP Delhi #DilKiPolice (@CPDelhi) April 29, 2021
দিল্লী আৰক্ষীয়ে শুক্ৰবাৰে জনোৱামতে, অবৈধ ব্যৱসায়ীকেইজনে এতিয়ালৈকে ক’ভিড ৰোগীসকলক এনেদৰে দুই হেজাৰটাকৈ ৰামদেছিৱিৰ ইনজেকচন বিক্ৰী কৰিছে।
আৰক্ষীয়ে এই বিক্ৰী যোৱা ভুৱা ঔষধখিনিৰ বাবে অনুসন্ধান অব্যাহত ৰাখিছে।
অবৈধ চক্ৰটোৰ মাষ্টাৰমাইণ্ড হিচাপে ৰুৰ্কীনিৰ্বাসী আদিত্য গৌতম নামৰ লোকজনক চিনাক্ত কৰা হৈছে।
তেওঁ ঔষধসমূহ ভুৱাকৈ প্ৰস্তুত কৰা এটা কাৰখানা চলাই আছিল।
