বগৰীবাৰীৰ চাতাগুৰিত ভয়ংকৰ পথ দুৰ্ঘটনা: ৭জন নিহত,আহত ২০জনতকৈয়ো অধিক লোক

কোকৰাঝাৰ জিলাৰ বগৰীবাৰীৰ চাতাগুৰি ৰাষ্ট্ৰীয় ঘাইপথত সংঘটিত হৈছে এক ভয়ংকৰ পথ দূৰ্ঘটনা।

যাত্ৰীবাছ আৰু মালবাহী ট্ৰাকৰ মুখামুখি সংঘৰ্ষত ২৬ জনৰো অধিক যাত্ৰী আহত হয়। আহত সকলক ততাতয়াকৈ ধুবুৰী সদৰ অসামৰিক চিকিৎসালয় লৈ প্ৰেৰণ কৰা হয়।

পিছত আহত সকলৰ ভিতৰত শিশুসহ সাতজনকৈ লোকৰ মৃত্যুৰ বাতৰি পোৱা গৈছে।

আনহাতে, সংকটজনক অৱস্থাত থকা ৩ জনক উন্নত চিকিৎসাৰ বাবে গুৱাহাটীলৈ প্ৰেৰণ কৰা হৈছে।

দুৰ্ঘটনাৰ পিছত প্ৰায় দুঘন্টা ধৰি ১৭ নং ৰাষ্ট্ৰীয় ঘাইপথত যানবাহন চলাচল ব্যহত হয়। পিছত আৰক্ষী প্ৰশাসনৰ লগতে স্থানীয় ৰাইজে পথ মুকলি কৰাৰ লগতে আহত সকলক উদ্ধাৰ কৰি চিকিৎসালয় লৈ প্ৰেৰণ কৰে।

স্থানীয় লোকে জানিবলৈ দিয়া মতে দেওবাৰে পুৱা প্ৰায় ১০.৩০ বজাত AS 16-C-1875 নম্বৰৰ দ্ৰুতবেগী বাছখনৰ AS-17-C-3073নম্বৰৰ এখন ট্ৰাকৰ সৈতে সংঘৰ্ষৰ ফলতে দুৰ্ঘটনাটো সংঘটিত হয়।