CBSE ব’ৰ্ডৰ পৰীক্ষাবোৰ স্থগিত ৰখা হৈছে।
ক’ৰ’না ভাইৰাছৰ সংক্ৰমণে দেশৰ বিভিন্ন প্ৰান্তলৈ সম্প্ৰসাৰিত হোৱাৰ বাবে শিক্ষাৰ্থী তথা পৰীক্ষাৰ্থীসকলৰ লগতে শিক্ষকসকলৰ জীৱনৰ সুৰক্ষাৰ প্ৰতি লক্ষ্য ৰাখি এই সিদ্ধান্ত লোৱা হৈছে।
কেন্দ্ৰীয় মানৱ সম্পদ উন্নয়ন মন্ত্ৰালয়ৰ সচিব অমিত খাৰে চৰকাৰীভাৱে এই কথা ঘোষণা কৰিছে।
কেন্দ্ৰীয় মাধ্যমিক শিক্ষা সংসদ(CBSE)এ ঘোষণা কৰি কয় যে ব’ৰ্ডৰ আগন্তুক পৰীক্ষা সূচী ক’ৰ’না ভাইৰাছৰ প্ৰাদুৰ্ভাৱৰ প্ৰতি লক্ষ্য ৰাখি অহা ৩১ মাৰ্চলৈকে স্থগিত ৰখা হৈছে।
উল্লেখ্য যে CBSEৰ দশম আৰু দ্বাদশ শ্ৰেণীৰ পৰীক্ষা চলি আছিল। এই পৰীক্ষা সূচীও অহা ৩১ মাৰ্চলৈকে স্থগিত ৰখা হৈছে।
আনহাতে অনুষ্ঠিত হৈ যোৱা পৰীক্ষাসমূহৰ বহী পৰীক্ষণো স্থাগিত ৰখা হৈছে বুলি ঘোষণাটোত উল্লেখ কৰা হৈছে।
