ক’ৰ’না বিৰোধী যুঁজত দেশৰ প্ৰধান মন্ত্ৰীৰ আহ্বানৰ প্ৰতি সহাৰি জনাই নিজৰ MPLAD ফাণ্ডৰ পৰা এক কোটি পঞ্চাশ লাখ টকা প্ৰদান কৰিছে ভাৰতীয় জনতা পাৰ্টিৰ যোৰহাট লোকসভা সমষ্টিৰ সাংসদ তপন কুমাৰ গগৈয়ে।
সাংসদ গগৈয়ে লগতে এক মাহৰ দৰমহা এক লাখ টকা প্ৰধান মন্ত্ৰীৰ সাহায্য পুঁজিলৈ প্ৰদান কৰে।
উল্লেখ্য যে ক’ৰ’নাৰ বিৰূদ্ধে চলি থকা যুজঁখনলৈ দেশৰ প্ৰধান মন্ত্ৰী আৰু ভাৰতীয় জনতা পাৰ্টিৰ সভাপতি জে পি নাড্ডাৰ আহ্বানক্ৰমে সাংসদ গগৈয়ে নিজৰ MPLAD পুঁজিৰ পৰা ১ কোটি টকাৰ অনুদান আগবঢ়োৱাৰ লগতে MPLAD পূুজিৰ ৫০ লাখ টকা আগবঢ়ায় অসম চৰকাৰৰ আৰোগ্য নিধিলৈ।
ইফালে সাংসদ গৰাকীয়ে দেশখনক ক’ৰ’নাৰ প্ৰভাৱৰ পৰা মুক্ত কৰাৰ বাবে প্ৰধান মন্ত্ৰী নৰেন্দ্ৰ মোদীয়ে চলোৱা অভিযানৰ প্ৰতি সকলোকে সহযোগিতা আগবঢ়াবলৈ অনুৰোধ জনায়।
সাংসদ গৰাকীয়ে মুখ্য মন্ত্ৰী সৰ্বানন্দ সোণোৱাল আৰু বিত্ত তথা স্বাস্থ্য মন্ত্ৰী ড০ হিমন্ত বিশ্ব শৰ্মাই ক’ৰ’নাৰ বিৰুদ্ধে লোৱা পদক্ষেপৰ ভূয়সী প্ৰশংসা কৰি জনসাধাৰণক সহযোগিতা আগবঢ়াবলৈ আহ্বান জনাইছে।
