পোন্ধৰ গৰাকী লোকক বুধবাৰে কামৰূপ মহানগৰ জিলাত ক’ভিড-১৯ পজিটিভ পোৱা গৈছে।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰ যোগে জনাইছে এই কথা।
ফাঁচিবজাৰৰ মুংৰো চাহানিৰ সংস্পৰ্শলৈ আহিছিল লোককেইজন।
স্বাস্থ্যমন্ত্ৰী ডঃ হিমন্ত বিশ্ব শৰ্মাই সংবাদ মাধ্যমক জনোৱা মতে আক্ৰান্ত কেইজনমানৰ নাম সুবোধ কুমাৰ, সুনীল ৰয়, মুকেশ সিং, গণি কোৱাট, বিশ্বনাথ সাহা, বিদ্বেশ্বৰী ঠাকুৰ, প্ৰবীণ কুমাৰ ৰাও, লাখৰো নিচাব, শংকৰ চাহা, কৃষ্ণ কুমাৰ গুপ্তা, চিপূজন নিচাব, অজয় কুমাৰ, প্ৰভাত আনন্দ, সঞ্জীত কুমাৰ আৰু সুমিত কুমাৰ।
নতুনকৈ ক’ভিড-১৯ পজিটিভ চিনাক্ত আটাইকেইজন ব্যক্তি কুৱাৰেণ্টাইনত আছে আৰু স্বাস্থ্য মন্ত্ৰী শৰ্মাই ৰাইজক আতংকিত নহ’বলৈ আহ্বান জনাইছে।
ইতিমধ্যে আটাইকেইজন কোভিড১৯ আক্ৰান্তকে পাণবজাৰস্থিত মহেন্দ্ৰ মোহন চৌধুৰী চিকিৎসালয়ত ভৰ্তি কৰা হৈছে।
উল্লেখ্য যে, কালি জিলা প্ৰশাসনে জাৰি কৰা কন্টেইনমেন্ট জ’নৰ নিৰ্দেশনাৱলী অনুসৰি পূবে এছ আৰ চি বি ৰোড ,পশ্চিমে এম এছ ৰোড, উত্তৰে এম জি ৰোড আৰু দক্ষিণে তৰুণ ৰাম ফুকন ৰোডলৈ ছীল কৰা হৈছিল।
Alert ~ 15 persons are tested #COVID19 + in Kamrup Metro. All are related to patient from Guwahati’s Fancy Bazaar, who tested + recently. All under quarantine and please dont panic.
↗️Total cases 79
↗️Discharged 39
↗️Active cases 37Update 7.10 pm/May 13#AssamCovidCount
— Himanta Biswa Sarma (@himantabiswa) May 13, 2020
অসমত এতিয়ালৈকে ৭৯ গৰাকী লোকৰ দেহত পোৱা গৈছে এই মাৰাত্মক ভাইৰাছ। তাৰে ৩৭ জন চিকিৎসাধীন।
৩৯ জন আৰোগ্য হৈছে আৰু চিকিৎসালয়ৰ পৰা মুক্তি দিয়া হৈছে।
