অৰুণাচলত কোভিড-১৯ আক্ৰান্তৰ সংখ্যা ৬৭ জনলৈ বৃদ্ধি

অৰুণাচল প্ৰদেশত শুকুৰবাৰলৈকে কোভিড-১৯ পজিটিভ ৰোগীৰ সংখ্যা ৬৭জন হৈছেগৈ।

ইয়াৰ ভিতৰত ৬৩জন হৈছে সক্ৰিয় ৰোগী।

ৰাজ্যখনৰ মুখ্য মন্ত্ৰী পেমা খাণ্ডুৱে শুকুৰবাৰে ৰাতিপুৱা তেওঁৰ অফিচিয়েল টুইটাৰৰ যোগে এই কথা জানিবলৈ দিয়ে।

এতিয়ালৈকে ৰাজ্যখনৰ চাৰিজন লোক এই মাৰাত্মক ৰোগৰ পৰা সম্পূৰ্ণ সুস্থ হৈ উঠিছে।

As on 12th June:
Positive:67
Active:63
Recovered:4
Nos of persons screened at entry Gates:306420
RT-PCR Test Conducted:13479
Total Nos of violations of
lockdown :12272
Nos of arrests made: 624
Nos of vehicles seized: 891
Nos of FIRs registered: 231
Fine imposed: ₹27,45,300/-

— Pema Khandu པདྨ་མཁའ་འགྲོ་། (@PemaKhanduBJP) June 12, 2020

নিষেধাজ্ঞা শিথিল কৰি দিয়াৰ পাছত ৰাজ্যখনলৈ উভতি অহা ৩০৬৪২০জন লোকক প্ৰৱেশ পথতে স্ক্ৰীনিং কৰা হৈছিল।

এতিয়ালৈকে ১৩৪৭৯জন লোকৰ RT-PCR পৰীক্ষা সম্পন্ন কৰা হৈছে।

খাণ্ডুৱে লগতে জানিবলৈ দিয়ে যে ৰাজ্যখনত মুঠ ১২২৭২টা লকডাউন নিয়ম উলংঘাৰ ঘটনা সংঘটিত হৈছে।

লকডাউনৰ সময়ছোৱাত ৬২৪জন লোকক লকডাউন ভংগ কৰাৰ বাবে গ্ৰেপ্তাৰ কৰা হৈছিল।

সেইদৰে, লকডাউন ভংগৰ বাবে প্ৰশাসনে ৮৯১খন বাহন জব্দ কৰিছিল।

লকডাউনৰ সময়ছোৱাত ২৩১খন এজাহাৰ দাখিল কৰা হয়।

খাণ্ডুৱে লগতে জানিবলৈ দিয়া মতে, ৰাজ্যখনত লকডাউন নিয়ম উলংঘা কৰাৰ বাবে মুঠতে ২৭,৪৫,৩০০ টকা জৰিমনা আদায় কৰা হৈছে।