‘‘বাংলাদেশী মুছলমান বিলাকে ভাৰতৰ সংবিধান নামানে, তেওঁলোকে লকডাউন কি বস্তু বুজি নাপায়৷ তেওঁলোকে এটাই বস্তু বুজি পায় লকআপ। লকআপত ৰাখিব পাৰিলেহে তেওঁলোকে শিক্ষা বিলাক পায়’’, বুলি আন এক বিতৰ্কিত মন্তব্য কৰিছে হোজাই সমষ্টিৰ বিজেপি বিধায়ক শিলাদিত্য দেৱে।
ধিং সমষ্টিৰ বিধায়ক আমিনুল ইছলামৰ পিতৃ শ্বেখ মুফটি খাইৰুল ইছলাম চহাবৰ জানাজাত অসংখ্য লোক অংশ গ্ৰহণ কৰা সন্দৰ্ভত এই মন্তব্য কৰে হোজাই সমষ্টিৰ বিজেপি বিধায়ক শিলাদিত্য দেৱে।
আমিনুল ইছলামক তীব্ৰ সমালোচনা কৰি শিলাদিত্যই কয়, “আমিনুল ইছলামে ইমান মানুহ অংশ গ্ৰহণ কৰাৰ পৰা ৰোধ কৰিব পাৰিলে হেতেন কিন্তু তেওঁ নকৰিলে৷ আমিনুল ইছলাম অলপ দিন আগত জেইলত আছিল৷ তেওঁ চাগে শক্তি প্ৰদৰ্শন কৰিব বিচাৰিছে’৷
‘সাধাৰণতে দেখা যায় বাংলাদেশী মুছলমান বিলাকে ভাৰতৰ সংবিধান নামানে৷ তেওঁলোকে লকডাউন কি বস্তু বুজি নাপায়৷ তেওঁলোকে এটাই বস্তু বুজি পায় সেয়া হ’ল লকআপ৷ লকআপত ৰাখিলেহে তেওঁলোকে শিক্ষা বিলাক পায়”, শিলাদিত্যৰ মন্তব্য।
আমিনুল ইছলামৰ পিতৃ ঢুকুৱা বাবে দুখ প্ৰকাশ কৰি বিধায়ক জনে কয়, “সেইদিনা নগাঁৱত হাজাৰ হাজাৰ মানুহ গোট খালে সেই শ্বেখ মুফটি খাইৰুল ইছলামৰ মৃত্যুৰ পিছত কবৰ দিব যাবলৈ৷ মই ভাবো সেয়া উচিত হোৱা নাই”৷
আমিনুল ইছলাম এজন বিধায়ক সেয়ে তেওঁ ভাৰতৰ সংবিধানৰ লগতে ভাৰত চৰকাৰ তথা অসম চৰকাৰৰ গাইড লাইন মানি চলিব লাগে বুলি কয় দেৱে৷
“তেওঁলোকক যদি শক্তিৰে দমন নকৰো৷ তেনেহ’লে আমাৰ কাৰণে আৰু বিপদজনক হৈ যাব”, বুলি কয় শিলাদিত্যই৷
ইয়াৰ উপৰি তেওঁ কয়, ‘‘এজন মুফটিৰ মৃত্যুৰ বাবে হাজাৰ হাজাৰ মানুহ গোট খাই গ’ল৷ তেওঁলোকক ইমান মূৰ্খ কোনে সজালে’৷
এখন সমাজ ইমান মূৰ্খ হ’ব পাৰেনে বুলি উল্লেখ কৰি বিজেপি বিধায়কজনে কয় যে মুম্বাইটো তেনে এজন মুফটিৰ মৃত্যু হৈছে৷ ভাৰতৰ নহয় এচিয়াৰ শ্ৰেষ্ঠ মুফটি৷ তেওঁৰ জানাজাত কিন্তু ২০ জন মানুহ গৈছিল৷ আৰু ইয়াত হাজাৰ হাজাৰ মানুহ আহিছে।
ভাৰতীয় মূলৰ মুচলমান সকলে একপ্ৰকাৰে চিন্তা কৰে আৰু বাংলাদেশী মুছলমান সকলে বেলগ ধৰণৰ চিন্তা কৰে সেয়াটো প্ৰমান হৈ গ’ল বুলি উল্লেখ কৰি বিধায়ক দেৱে জিলা প্ৰশাসনকো দোষাৰোপ কৰে।
