ভাৰত আৰু চীনৰ মাজত সীমান্তত উত্তেজনা চলি থকাৰ সময়তে দেশৰ ক্ৰীড়া মন্ত্ৰী কিৰেণ ৰিজিজুই সোমবাৰে তিব্বতৰ আধ্যাত্মিক গুৰু দালাই লামক তেওঁৰ ৮৫ সংখ্যক জন্মদিনত শুভেচ্ছা জ্ঞাপন কৰে।
কিৰেণ ৰিজিজু হৈছে দালাই লামাক শুভেচ্ছা জ্ঞাপন কৰা মোদী চৰকাৰৰ প্ৰথম গৰাকী নেতা।
‘‘তেওঁৰ সুস্বাস্থ্য, দীৰ্ঘজীৱিতাৰ বাবে মই প্ৰাৰ্থনা কৰিছো। তেওঁৰ মূল্যবোধ আৰু শিক্ষাই সমগ্ৰ মানৱ জাতিৰ মাজত ভালপোৱা, শান্তি, সম্প্ৰতিৰ পোহৰ বিলাইছে,’’ ৰিজিজুৱে টুইট কৰি লিখে।
কেন্দ্ৰীয় ক্ৰীড়া মন্ত্ৰী গৰাকীয়ে নিজৰ সৈতে দালাই লামৰ আলোকচিত্ৰ টুইটাৰত আপলোড কৰে।
কিৰেণ ৰিজিজুৰ উপৰিও অৰুণাচল প্ৰদেশৰ মুখ্য মন্ত্ৰী পেমা খাণ্ডুই দালাই লামাৰ ৮৫ সংখ্যক ওপজা দিনত শুভেচ্ছা জ্ঞাপন কৰে।
‘‘তেওঁৰ মহান জীৱন সহস্ৰ বছৰলৈ জীৱন্ত হৈ থাকক আৰু সকলোৱে তেওঁৰ মৰম আৰু আৰ্শীবাদ লাভ কৰি যাম,’’ নাগালেণ্ডৰ মুখ্য মন্ত্ৰী পেমা খাণ্ডুই লিখে।
তিব্বতত চীনে আগ্ৰাসন চলোৱাৰ পাছৰে পৰা দালাই লামা তিব্বতৰ পৰা পলাই আহি ভাৰতত আশ্ৰয় গ্ৰহণ কৰি আছে।
দালাই লামাৰ উপৰিও বহু হাজাৰ তিব্বতৰ লোক ভাৰতত বসবাস কৰি আহিছে।
