লাডাখ সীমান্তৰ ভাৰত-চীন সীমান্তৰ উত্তেজনাৰ মাজতে পাকিস্তানক চাৰিটাকৈ সশস্ত্ৰ ড্ৰোণ সৰবৰাহৰ প্ৰক্ৰিয়া আৰম্ভ কৰিছে চীনে।
চীন-পাকিস্তান ইক’নমিকল ক’ৰিডৰ(চিপিইচি)ৰ সুৰক্ষাৰ বাবে এই সশস্ত্ৰ ড্ৰোণ চাৰিটা চীনে পাকিস্তানলৈ প্ৰেৰণ কৰিছে বুলি কোৱা হৈছে।
কিন্তু নিৰাপত্তা বিশেষজ্ঞসকলে এই সশস্ত্ৰ ড্ৰোণকেইটা পাকিস্তানে ক’ত আৰু কি কামত ব্যৱহাৰ তাকে লৈ সন্দেৰ প্ৰকাশ কৰিছে।
কাৰণ পাকিস্তানী নৌ বাহিনীৰ বাবে লুং টু শ্ৰেণীভুক্ত অত্যাধুনিক ড্ৰোণ নিৰ্মাণৰ বাবে ইতিপূৰ্বে দুই দেশে পৰিকল্পনা কৰিছিল।
আনহাতে ইতিমধ্যে বেইজিঙে পাকিস্তানলৈ সশস্ত্ৰ ড্ৰোণৰ দুটা ছিষ্টেম প্ৰেৰণ কৰিছে। এই ড্ৰোণৰ মাধ্যমৰে পহৰাদাৰী কৰাৰ লগতে আক্ৰমণো কৰিব পাৰি।
চীনৰ এই ধৰণৰ ড্ৰোণত ১২ টি এয়াৰ টু চাৰ্ফেচ মিছাইল নিক্ষেপ কৰিব পৰা ব্যৱস্থাও আছে। চীনৰ এই প্ৰকল্পৰ সৈতে পাকিস্তানো জড়িত হৈ আছে।
ইফালে পাকিস্তানৰ ফালৰ পৰা জনোৱা হৈছে যে অশান্তজৰ্জৰ বেলুচিস্তানত নজৰদাৰীত্ব বঢ়োৱাৰ বাবে চীনে পাকিস্তানলৈ এই ড্ৰোণসমূহ প্ৰেৰণ কৰিছে।
লাডাখ সীমান্তৰ উত্তেজনাৰ মাজতে চীনে পাকিস্তানলৈ ড্ৰোণ প্ৰেৰণৰ এই কাৰ্যক্ৰমক নতুন দিল্লীয়ে বিশেষ নজৰ দিয়া পৰিলক্ষিত হৈছে।
সমগ্ৰ ঘটনাক্ৰমত আমেৰিকায়ো তীক্ষ্ম নজৰ ৰাখিজে বুলি জানিব পৰা গৈছে।
