২০২০ কাটাৰ ফিফা ফুটবল বিশ্বকাপৰ সূচী প্ৰকাশ : আকৰ্ষণীয় হ’ব গ্ৰুপ পৰ্যায়ৰ মেচ

বিশ্বব্যাপী ক’ৰ’না সন্ত্ৰাসৰ মাজতে ঘোষণা কৰা হ’ল ২০২০ কাটাৰ বিশ্বকাপ ফুটবল প্ৰতিযোগিতাৰ সূচী।

বুধবাৰে আয়োজক দেশ কাটাৰে ঘোষণা কৰি কৈছে যে ২০২০ বৰ্ষৰ ফিফা ফুটবল বিশ্বকাপ প্ৰতিযোগিতাখন ২০২০ চনৰ ২১ নৱেম্বৰৰ পৰা আৰম্ভ হ’ব।

উল্লেখ্য যে ২০২০ বৰ্ষৰ ফিফা ফুটবল বিশ্বকাপ প্ৰতিযোগিতাখন কাটাৰে আয়োজন কৰিছে।

ফিফা(FIFA)-ই কাটাৰৰ সুপ্ৰিম কমিটিৰ সৈতে প্ৰকাশ কৰা এক প্ৰেছ বিজ্ঞপ্তি কোৱা হৈছে যে, ২০২০ চনৰ ২১ নৱেম্বৰত কাটাৰৰ ৬০ হাজাৰ আসনবিশিষ্ট আল খোৰৰ আল বায়াত ষ্টেডিয়ামত উদ্বোধনী মেচখন অনুষ্ঠিত হ’ব।

আনহাতে ১৮ ডিচেম্বৰত চূড়ান্ত খেলখন অনুষ্ঠিত হ’ব ৮০ হাজাৰ আসনবিশিষ্ট দোহাৰ লুলেইল ষ্টেডিয়ামত।

? 2022 #WORLDCUP MATCH SCHEDULE ?

? It all starts in Qatar on Monday 21 November 2022 ?

?️? https://t.co/tIvYvRoy5j pic.twitter.com/yQvgGczszK

— FIFA World Cup (@FIFAWorldCup) July 15, 2020

বিশ্বৰ ৩২ খন ৰাষ্ট্ৰই অংশগ্ৰহণ কৰিব লগীয়া ২০২০ কাটাৰ ফুটবল বিশ্বকাপত এইবাৰ গ্ৰুপ পৰ্যায়ত প্ৰতি দিনে ৪ খনকৈ মেচ অনুষ্ঠিত হ’ব। ফিফাই গ্ৰুপ পৰ্যায়ৰ মেচসমূহ দ্ৰুতভাৱে শেষ কৰিবলৈ লোৱা সিদ্ধান্তৰ বাবেই এইদৰে সূচী তৈয়াৰ কৰা হৈছে।

১২ দিনত গ্ৰুপ পৰ্যায়ৰ মেচসমূহ শেষ হ’ব। এটা দিনত চাৰিখনকৈ মেচ অনুষ্ঠিত হ’ব আৰু প্ৰতিখন মেচত তিনি ঘণ্টা সময়ৰ ব্যৱধান থাকিব।

দিনটোৰ প্ৰথমখন খেল স্থানীয় সময় দুপৰীয়া ১ বজাৰ পৰা আৰম্ভ হ’ব আৰু শেষৰখন খেল অনুষ্ঠিত হ’ব নিশা ১০ বজাৰ পৰা।

দেশখনৰ আঠখন ষ্টেডিয়ামত উক্ত খেলসমূহ অনুষ্ঠিত কৰা হ’ব।

ইপিনে দ্বিতীয় পৰ্যায় অৰ্থাৎ শেষ-১৬ৰ খেলসমূহ দিনে দুখনকৈ খেলোৱা হ’ব। এই পৰ্যায়ৰ মেচসমূহ শেষ হোৱাৰ দুদিন বিৰতিৰ পিছত আৰম্ভ হ’ব কোৱাৰ্টাৰ ফাইনেলৰ মেচসমূহ।

কোৱাৰ্টাৰ ফাইনেলৰ পৰা ফাইনেল মেচলৈকে প্ৰতিটো পৰ্যায়তে দুদিনৰ সময় বিৰতি থাকিব।