কোকৰাঝাৰ জিলা উপায়ুক্তৰ কাৰ্যালয়ত কৰ্মৰত দুজন লোকৰ দেহত ক’ৰ’না ভাইৰাছৰ উপস্থিতি ধৰা পৰিছে। ইয়াৰে এজন কাৰ্যালয়ৰ কৰ্মী আৰু আনজন সুৰক্ষা কৰ্মী।
পজিটিভ ৰিপ’ৰ্ট অহাৰ পিছতে উপায়ুক্তৰ কাৰ্যালয়টো দুদিনৰ বাবে ছীল কৰাৰ সিদ্ধান্ত গ্ৰহণ কৰে জিলা প্ৰশাসনে।
জানিব পৰা মতে স্বাস্থ্য বিভাগৰ তৰফৰ পৰা উপায়ুক্ত কাৰ্যালয়ত কৰ্মৰত প্ৰতিগৰাকী কৰ্মচাৰীৰে স্বাৱ সংগ্ৰহ কৰা হ’ব।
জিলাখনৰ উপায়ুক্ত ভাস্কৰ ফুকনে এই সন্দৰ্ভত জানিবলৈ দি কয় যে কাৰ্যালয়টো চেনিটাইজ কৰাৰ লগতে চাফ চিকুণৰ বাবে দুদিন ছীল কৰা হৈছে।
আগন্তুক দুটা দিনৰ বাবে উপায়ুক্তই গৰাকী তথা কাৰ্যালয়ৰ অন্য কাম কাজ আৱৰ্ত ভৱনৰ পৰা চলিব।
উপায়ুক্ত ভাস্কৰ ফুকনে লগতে জানিবলৈ দি কয় যে শুকুৰবাৰলৈকে জিলাখনৰ মুঠ ৪৬ গৰাকী লোক ক’ভিড-১৯ ত আক্ৰান্ত হৈছে।
