বিভিন্ন ৰাষ্ট্ৰীয় সংকটৰ মাজতে কোনো ধৰণৰ আলোচনা নকৰাকৈয়ে দেশত নতুন শিক্ষা নীতিক মঞ্জুৰি প্ৰদান কৰা কাৰ্যক লৈ এতিয়া বহুতৰে মনত সন্দেহ ঘণিভূত হৈছে।
এই নতুন শিক্ষা নীতিক লৈ দেশজুৰি চৰ্চা চলি থকাৰ মাজতে উৰ্দু বিকাশ সংগঠনৰ ৰাষ্ট্ৰীয় অধ্যক্ষ ডঃ চৈয়দ আহমদ খানে সংসদত চৰ্চা নোহোৱাকৈ নতুন শিক্ষা নীতিক মঞ্জুৰি প্ৰদান কৰাতো উচিত নহয় বুলি মন্তব কৰিছে।
আমদ খানে লগতে কয় যে নতুন শিক্ষা নীতিত মাতৃভাষাৰ ওপৰত গুৰুত্ব আৰোপ কৰা হৈছে, কিন্তু উৰ্দুক মাতৃভফাষা ৰূপত ধৰা নাই, যিটো নিশ্চিত ৰূপত চিন্তনীয়।
উল্লেখ্য যে অষ্টম অনুসূচীত অন্তৰ্ভুক্ত হৈ আছে উৰ্দু। অষ্টম অনুসূচীত থকাৰ অৰ্থ হ’ল উৰ্দু ক্ষেত্ৰীয় আৰু মাতৃভাষা।
ইয়াৰ উপৰি ভাৰতৰ কেইবাখনো ৰাজ্যত উৰ্দুক দ্বিতীয় চৰকাৰী ভাষা হিচাপে গণ্য কৰা হয়।
আহমদ খানে লগতে কয় যে উৰ্দু ভাষা যিহেতু বহুতে জানে বা কয়, সেয়ে দেশজুৰি উৰ্দু মাধ্যমৰ বিদ্যালয় স্থাপনৰ বাবে অভিযান আৰম্ভ কৰিব লাগে।
উৰ্দু মাধ্যমৰ বিদ্যালয় স্থাপনে কেৱল নিৱনুৱা সমস্যা সমাধানেই নহয় ই উৰ্দু ভাষাৰ মহত্বও বৃদ্ধি কৰিব।
