ভাৰতীয় সেনা বাহিনীত এগৰাকী সুদক্ষ চিকিৎসক হিচাবে নিষ্ঠাৰে সেৱা আগবঢ়োৱা কৰ্ণেল মহানন্দ মেধিৰ আজি পুৱা গুৱাহাটীৰ দিছপুৰস্থিত জি এন আৰ চি হস্পিতালত মৃত্যু ঘটে।
১৯৪৩ চনৰ ৭ ছেপ্তেম্বৰত নগৰবেৰাত জন্মগ্ৰহণ কৰা মহানন্দ মেধিয়ে গুৱাহাটী চিকিৎসা মহাবিদ্যালয়ৰ পৰা এম বি বি এছ ডিগ্ৰী লাভ কৰাৰ পিছত ১৯৬২-৬৩ চনত ভাৰতীয় সেনা বাহিনীত এগৰাকী চিকিৎসক হিচাবে যোগদান কৰে।
পৰৱৰ্তী সময়ত ভাৰত চৰকাৰে তেওঁক ওমানলৈ ডেপুটেশ্বনত প্ৰেৰণ কৰে আৰু তাত তেওঁ ৰয়েল আৰ্মীত প্ৰায় ৩০ বছৰ ধৰি সেৱা আগবঢ়ায়।
তেওঁ ওমানৰ স্বাস্থ্য সেৱাৰ সঞ্চালক পদত অধিস্থিত হোৱাৰ উপৰি ওমানৰ চুলতানৰ উপদেষ্টা হিচাবেও কাৰ্যনিৰ্বাহ কৰিছিল।
২০১৬ চনত তেওঁ অসমলৈ উভতি আহিছিল আৰু গুৱাহাটীৰ হেঙেৰাবাৰীত থকা বাসভৱনত থাকিবলৈ লৈছিল।
বিভিন্ন সামাজিক কামত জৰিত মহানন্দ মেধিৰ মৃত্যুত শোকৰ ছাঁ পৰিছে।
মৃত্যুৰ সময়ত তেওঁ পত্নী ডাঃ শান্তি মেধি,পুত্ৰ গুণজিৎ মেধিৰ লগতে বহু আত্মীয়ক এৰি থৈ যায়।
