চৰকাৰী চাকৰি প্ৰত্যাশী সকলৰ বাবে কমন এলিজিবিলিটি টেষ্ট অনুষ্ঠিত কৰাৰ বাবে ৰাষ্ট্ৰীয় নিয়োগ সংস্থা (এন আৰ এ) গঠনৰ বাবে অনুমতি প্ৰদান কৰিছে কেন্দ্ৰীয় কেবিনেটে।
কেন্দ্ৰীয় কেবিনেটে ৰাষ্ট্ৰীয় নিয়োগ সংস্থা গঠনৰ বাবে অনুমতি প্ৰদান কৰাৰ পাছতে কেন্দ্ৰীয় মন্ত্ৰী প্ৰকাশ জাভেদকাৰে সংবাদমেল যোগে বুধবাৰে এই কথা সদৰী কৰে।
বৰ্তমান সময়ত চৰকাৰী চাকৰি প্ৰত্যাশী সকলে চাকৰি লাভ কৰিবলৈ হ’লে বিভিন্ন পৰীক্ষাত অৱতীৰ্ণ হোৱাৰ উপৰিও পৰীক্ষাৰ মাচুল আদায় দিবলগীয়া হয়।
বিগত লোকসভাৰ অধিবেশনৰ সময়তে বিত্ত মন্ত্ৰী নিৰ্মলা সীতাৰমণে ৰাষ্ট্ৰীয় নিয়োগ সংস্থা গঠন কৰাৰ বাবে কেন্দ্ৰ চৰকাৰে সিদ্ধান্ত গ্ৰহণ কৰিছে বুলি কৈছিল।
প্ৰধান মন্ত্ৰী নৰেন্দ্ৰ মোদীয়ো ৰাষ্ট্ৰীয় নিয়োগ সংস্থা গঠন হোৱাৰ পাছত চৰকাৰী চাকৰি প্ৰত্যাশী সকলে পৰীক্ষাৰ বাবে বহুবাৰ মাচুল আদায় দিবলগীয়া নহ’ব আৰু নিজ ঠাইতে পৰীক্ষাত অৱতীৰ্ণ হ’ব পাৰিব বুলি কৈছিল।
