আৰক্ষীৰ নিৰ্যাতনৰ সন্মুখীন হবলগীয়া হ’ল কংগ্ৰেছৰ প্ৰাক্তন ৰাষ্ট্ৰীয় সভাপতি ৰাহুল গান্ধী।
দেশজুৰি প্ৰতিক্ৰিয়াৰ সৃষ্টি কৰা উত্তৰ প্ৰদেশৰ হাথ্ৰাত বলাৎকাৰ কাণ্ডৰ বলি হৈ কৰুণ মৃত্যুক সাৱটি লোৱা কিশোৰীৰ পৰিয়ালৰ খবৰ ল’বলৈ যোৱাৰ সময়তে আজি আৰক্ষীৰ নিৰ্যাতনৰ বলি হ’বলগীয়া হয় ৰাহুল গান্ধী।
আজি দিল্লীৰ পৰা উত্তৰ প্ৰদেশৰ হাথ্ৰা অভিমুখে ভগ্নী প্ৰিয়ংকা গান্ধীৰ সৈতে ৰাহুল গান্ধীয়ে যাত্ৰা কৰে।
উত্তৰ প্ৰদেশত প্ৰৱেশ কৰিবলৈ লোৱাৰ সময়তে ৰাজ্য খনৰ আৰক্ষীয়ে ৰাহুল আৰু প্ৰিয়ংকাৰ কনভয় ৰখাই দিয়ে।
আৰক্ষীৰ বাধাৰ মাজতে ৰাহুল আৰু প্ৰিয়ংকাই খোজকাঢ়িয়েই গন্তব্যস্থল অভিমুখে যাবলৈ ধৰে।
#WATCH Just now police pushed me, lathicharged me and threw me to the ground. I want to ask, can only Modi Ji walk in this country? Can't a normal person walk? Our vehicle was stopped, so we started walking: Congress leader Rahul Gandhi at Yamuna Expressway,on his way to #Hathras pic.twitter.com/nhu2iJ78y8
— ANI UP (@ANINewsUP) October 1, 2020
এই কথাতে ক্ষুদ্ধ হৈ পৰে আৰক্ষী। আৰক্ষীয়ে ৰাহুল-প্ৰিয়ংকাৰ ওপৰত লাঠীচালনা কৰাৰ লগতে ৰাহুল গান্ধীক চোলাত ধৰি মাটিত বগৰাই দিয়ে।
ৰাহুলে কি কাৰণত আৰক্ষীয়ে তেওঁৰ সৈতে এনে ব্যৱহাৰ কৰিছে বুলি প্ৰশ্ন কৰাৰ সময়তে আইন ভংগ কৰাৰ বাবেই আৰক্ষীয়ে ৰাহুল আৰু প্ৰিয়ংকাক আটক কৰাৰ কথা প্ৰকাশ কৰে।
ইপিনে ৰাহুল গান্ধীক এনেদৰে আৰক্ষীয়ে টানি-আজুৰি মাটিত বগৰাই দিয়াৰ ঘটনাটোৱে সমগ্ৰ দেশ জুৰি তীব্ৰ প্ৰতিক্ৰিয়াৰ সৃষ্টি কৰিছে।
উল্লেখ্য হাথ্ৰাত এগৰাকী কিশোৰীক দলবদ্ধ ভাবে বলাৎকাৰ কৰাৰ পিছত তেওঁক ছফদৰগঞ্জৰ চিকিৎসালয়ত ভৰ্তি কৰোৱা হৈছিল যদিও তেওঁৰ মৃত্যু ঘটে।
এই ঘটনাই প্ৰতিক্ৰিয়াৰ সৃষ্টি কৰাৰ সময়তে আজি ৰাহুল-প্ৰিয়ংকাই হাথ্ৰালৈ গৈছিল।