চাহাৰা গ্ৰুপৰ মুৰব্বী সুব্ৰত ৰায়ে যদি ৬২হাজাৰ ৬০০কোটি টকা আদায় নিদিয়ে তেতিয়াহ’লে তেওঁৰ পেৰ’ল বাতিল কৰিবলৈ উচ্চতম ন্যায়ালয়ক আৰ্জি জনাব ছেবিয়ে।
দেশৰ শ্বেয়াৰ বজাৰৰ নিয়ন্ত্ৰক সংস্থা ছিকিউৰিটি এণ্ড বোৰ্ড অফ ইণ্ডিয়া বা ছেবিয়ে জানিবলৈ দিছে যে চাহাৰা ইণ্ডিয়া পৰিবাৰৰ দুটা সংস্থা আৰু সুব্ৰত ৰায়ৰ বিশাল পৰিমানৰ অনাদায় ধন আছে।
এই অনাদায় ধনৰ পৰিমান সুতসহ ৬২হাজাৰ ৬০০কোটি টকা হ’ব। আঠ বছৰ পূৰ্বে এই অনাদায় ধনৰ পৰিমান আছিল ২৫হাজাৰ ৭০০কোটি টকা।
উচ্চতম ন্যায়ালয়ে ২০১২ চনত কয় যে চাহাৰা গ্ৰুপে বিভিন্ন আইন উলংঘা কৰি প্ৰায় ৩.৫কোটি বিলিয়ন ডলাৰ তুলিছিল।
ক্ষুদ্ৰ বিনিয়োগকাৰীক অধিক ৰিটাৰ্ণ দিয়াৰ প্ৰলোভন দি চাহাৰাই টকা সংগ্ৰহ কৰাৰ অভিযোগ আছে। ছেবিয়ে এই বিনিয়োগকাৰীসকলক চিনাক্ত কৰিব পৰা নাই। কিন্তু চাহাৰাই টকা উভতাই দিব নোৱাৰাৰ বাবে উচ্চতম ন্যায়ালয়ে সুব্ৰত ৰায়ক জেইললৈ প্ৰেৰণ কৰে।
চাহাৰাই ছেবিৰ অভিযোগক অন্যায় বুলি দাবী কৰে। চাহাৰাৰ মতে বিনিয়োগকাৰীক টকা উভতাই দিয়া হৈছে আৰু সেয়েহে পুনৰ টকা বিচৰাটো উচিত নহয়।
তদুপৰি, ছেবিয়ে আৰোপ কৰা ১৫শতাংশ সুতৰ হাৰ অনুচিত বুলি দাবী কৰে চাহাৰাই। ছেবিয়ে উচ্চতম ন্যায়ালয়ক জানিবলৈ দিয়া মতে চাহাৰাই এতিয়ালৈকে ১৫০কোটি টকা ওভতাইছে।
সুব্ৰত ৰায় বিগত ২০১৭চনৰ পৰা জামিনত জেইলৰ বাহিৰত আছে। বিভিন্ন কাৰণ দেখুৱাই বাহিৰত থকা সুব্ৰত ৰায়ক এইবাৰ ছেবিয়ে পুনৰ চাপ দিছে। এই গোচৰৰৰ পৰৱৰ্তী শুনানিৰ দিন এতিয়াও ধাৰ্য কৰা নাই।
