আগষ্ট মাহৰ পৰা আৰম্ভ হ’ব ‘অনামিকা ছীজন ৪’। ২০১৪ চনৰ পৰা আৰম্ভ হোৱা জুবিন গাৰ্গৰ গীতৰ এই গায়ন প্ৰতিযোগিতাখনৰ আগন্তুক ছীজনৰ বাবে আয়োজক তথা প্ৰতিযোগীসকলক গাৰ্গে শুভকামনা জ্ঞাপন কৰিছে।
আয়োজকসকলে এন ই নাওক জনোৱা মতে অহা মে’ মাহৰ পৰা প্ৰতিযোগীসকলৰ নাম পঞ্জীয়নৰ কাম আৰম্ভ হ’ব।
প্ৰতিযোগিতাখনৰ উদ্যোক্তা নীল কাশ্যপে কয়, ‘অসমৰ চুকে-কোণে লুকাই থকা প্ৰতিভাসমূহ উলিয়াই অনা আৰু জুবিন গাৰ্গৰ গীতৰ চৰ্চা সজীৱ ৰাখি পৰৱৰ্তী প্ৰজন্মলৈকে লৈ যোৱাৰ লগতে গাৰ্গক জীৱিত কালতে শ্ৰদ্ধা জনোৱাৰ উদ্দেশ্যৰে এই প্ৰতিযোগিতাখন আয়োজন কৰা হৈ আহিছে।’
পূৰ্বৰ দৰেই এইবাৰো প্ৰতিযোগিতাখনৰ বিচাৰকৰ দায়িত্বত সংগীতকাৰ দিগন্ত ভাৰতী আৰু পাৰ্থ গোস্বামী থাকিব বুলি উল্লেখ কৰি উদ্যোক্তাজনে বঙাইগাওঁ, লখিমপুৰ আৰু গুৱাহাটী তিনিটা মণ্ডলত এইবাৰৰ প্ৰতিযোগিতাখন অনুষ্ঠিত কৰাৰ কথা চিন্তা কৰি থকা হৈছে বুলি লগতে জনায়।
আয়োজকৰ যোগাযোগ নম্বৰ ৭০০২৪৭১৪৭৫, ৮৬৩৮০৫৪৩০৩।
