সৌৰজগতৰ বৃহত্তম গ্ৰহাণুটো প্ৰতি ঘন্টাত ৭৭০০০মাইল গতিত দেওবাৰে পৃথিৱীৰ অতি ওচৰেৰে পাৰ হৈ যাব।
দক্ষিণ আকাশেৰে অতি তীব্ৰ বেগেৰ পাৰ হৈ যোৱাৰ সময়ত ইয়াক অত্যন্ত উজ্জ্বল ৰূপত দেখা যাব।
গ্ৰহাণুটো পাৰ হৈ যোৱাৰ সময়ত পৃথিৱীৰ পৰা চন্দ্ৰৰ যিমান দূৰত্ব তাতকৈ পাঁচগুণ অধিক দূৰত্বত থাকিব। সেয়ে, এই গ্ৰহাণুটোৱে পৃথিৱীত আঘাত হনাৰ কোনো সম্ভাৱনা নাই।
আমেৰিকাৰ মহাকাশ গৱেষণা সংস্থা নাছাই যোৱা ১১ মাৰ্চতেই জানিবলৈ দিছিল যে সৌৰজগতৰ বৃহত্তম গ্ৰহাণুটো ২১ মাৰ্চতপৃথিৱীৰ অত্যন্ত কাষেৰে পাৰ হৈ যাব।
প্ৰায় ৩০০০ফুট ব্যাসৰ এই গ্ৰহাণুটোৰ নাম ২০০১ এফ ও ৩২। আজিৰ পৰা ২০ বছৰ পূৰ্বে এইটো আৱিষ্কৃত হৈছিল।
এই সন্দৰ্ভত ‘চেন্টাৰ ফৰ নিয়াৰ আৰ্থ অৱজেক্ট ষ্টাডিজ’ৰ মুৰব্বী পল খোদাছে জানিবলৈ দিয়ে যে এই গ্ৰহাণুটো কোনো ধৰণে পৃথিৱীৰ গাত আহি পৰাৰ আশংকা নাই। তদুপৰি, এই গ্ৰহাণুটো পাৰ হৈ যোৱাৰ পাছত ২০৫২চনৰ পূৰ্বে আৰু কোনো বৃহৎ আকৃতিৰ গ্ৰহাণু অহাৰ সম্ভাৱনা নাই।
আনহাতে, ২০৫২চনত পৃথিৱীৰ কাষেৰে পাহ হৈ যাবলগীয়া গ্ৰহাণুটো সৈতে পৃথিৱীৰ ২.৮মিলিয়ন কিলোমিটাৰ দূৰত্ব থাকিব বুলি সদৰী কৰিছে বিজ্ঞানীসকলে।
