শুক্ৰবাৰে এক সংবাদমেলত সাংসদ অজিত ভুঞাই বিৰোধী শক্তি ঐক্যবদ্ধ হব নোৱাৰাৰ বাবেই বিজেপিৰ বিজয় হ’ল বুলি উল্লেখ কৰে।
আনহাতে তেওঁ বিজেপিক উদ্দেশ্যি কয়”টকা পইচা সৰহ হাৰত শাসক পক্ষই বিলাইছিল আৰু সেইবাবেই মই আৰম্ভণিৰে পৰাই কৈ আহিছিলো বিৰোধী শক্তিক এক্যবদ্ধ হ’বলৈ। আমাৰ আঞ্চলিক গণ মৰ্চাৰ তৰফৰ পৰা বহু অসুবিধাৰ সন্মুখীন হ’বলগীয়া হৈছিল টকা পইচাৰ ক্ষেত্ৰত, কিন্তু আমি দিছ্পুৰ আৰু বোকাখাতৰ নিচিনা দুখন ঠাইত যুঁজিবলৈ সাজু হৈছিলোঁ।আমি পৰাজয় বৰণ কৰিছোঁ যদিও আমি এই কম সময়ৰ ভিতৰত বহু লোকৰ হৃদয়ত স্থান পাবলৈ সক্ষম হ’লো।”
আনহাতে মুখ্যমন্ত্ৰীকেন্দ্ৰিক বিবাদক লৈ ভুঞাই কয় ‘মুখ্যমন্ত্ৰীকেন্দ্ৰিক বাদ- বিসম্বাদ আৰম্ভ হৈছে বিজেপি দলৰ মাজত আৰু সেইবাবেই এতিয়ালৈকে এই ক’ৰ’না ত্ৰাসৰ মাজতো সোনকালে এখন চৰকাৰ গঠন কৰিব পৰা নাই।ক্ষমতাৰ খকত বলিয়া হোৱাতকৈ ৰাইজৰ উন্নয়ন কৰাটোতহে বেছিকৈ গুৰুত্ব দিয়া উচিত’।
‘অক্সিজেন, ভেকচিন আৰু বিচনাৰ অভাৱত যাতে ৰাইজে জীয়াতো ভুগিব নালাগে তাৰ বাবে চৰকাৰে ব্যৱস্থা গ্ৰহণ কৰিব লাগে। জনতাক লগত লৈ কিয় কাম কৰিব নোৱাৰে এইখন চৰকাৰে? মুখ্যমন্ত্ৰী সৰ্বানন্দ সোণোৱাল আৰু হিমন্ত বিশ্ব শৰ্মাৰ দেখা দেখিয়েই হোৱা নাই এতিয়ালৈকে। ভেকচিন গোটাব পৰা নাই অথচ ভুৱা প্ৰচাৰত গুৰুত্ব আৰোপ কৰিছে। সেইখন চৰকাৰে কেৱল মিছা কথা ক’বহে পাৰে আৰু জনতাক এইদৰে বিপথে পৰিচালিত কৰিছে’—ভূঞাই কয়।
নেতাসকলে বিভিন্ন কথা কৈ পৰিস্থিতি বেলেগ ফালে ঢাল খুৱাব বিচাৰিছে। মুখ্যমন্ত্ৰীকেন্দ্ৰিক যুজঁ নাইকিয়া হ’ব লাগে আৰু ৰাইজৰ স্বাৰ্থ সুৰক্ষিত কৰাত গুৰুত্ব দিব লাগে।”
তদুপৰি অখিল গগৈক বিজয়ৰ বাবে শুভকামনা জ্ঞাপন কৰি লুৰীনজ্যোতি গগৈ এটা সমষ্টিতো জয়ী হোৱা হলে সুখী হ’লোহেঁতেন বুলি ভুঞাই উল্লেখ কৰে।
