আজি জনতা ভৱনত অনুষ্ঠিত হোৱা মুখ্যমন্ত্ৰী হিমন্ত বিশ্ব শৰ্মাৰ মন্ত্ৰীসভাৰ প্ৰথমখন কেবিনেট বৈঠকত লোৱা হয় কেতবোৰ গুৰুত্বপূৰ্ণ সিদ্ধান্ত।
স্বাস্থ্য মন্ত্ৰী কেশৱ মহন্তই বৈঠকৰ পাছতে সম্বোধন কৰা এক সংবাদমেলত প্ৰথমখন কেবিনেটৰ সিদ্ধান্তসমূহ সংবাদ মাধ্যমৰ আগত সদৰী কৰে।
সংবাদমেলত কৰা ঘোষণা সমূহ তলত অ-সম্পাদিত ৰূপত দাঙি ধৰা হ’ল :
- প্ৰত্যেক বুধবাৰে বহিব ৰাজ্য চৰকাৰৰ কেবিনেট বৈঠক অনুষ্ঠিত হ’ব।
- ১৫ দিনৰ পাছত যদি ব্যৱস্থাখিনি ল’বলগীয়া হয় তেন্তে অৰ্থনৈতিক সাহায্য লাভ কৰিব।
- অতি সোনকালে ১ লাখ চাকৰিত নিযুক্ত দিয়া হ’ব। তাৰ বাবে এখন কমিটি গঠন কৰি দিয়া হৈছে। বিত্ত মন্ত্ৰীৰ অধ্যক্ষতাত গঠন কৰা হৈছে এই কমিটি। এমাহৰ ভিতৰত প্ৰতিবেদন দাখিল কৰিব কেবিনেটে।
- মাইক্ৰ’ ফাইনেন্সৰ ক্ষেত্ৰত মুঠ ধনৰ পৰিমাণ, ঋণ পৰিশোধৰ খাতিয়ান তৈয়াৰ কৰিবলৈ অশোক সিংঘালৰ সভাপতিত্বত গঠন কৰা হৈছে এখন কমিটি। খুব সোনকালে খাতিয়ান দাঙি ধৰিব এইখন সমিতিয়ে।
- কোভিডৰ সংক্ৰমণৰ হাৰ আৰু মৃত্যুৰ হাৰ ৰোধ কৰাৰ ক্ষেত্ৰত কাইলৈ কিছু সিদ্ধান্ত লোৱা হ’ব। পৰহিৰ পৰা কাৰ্যকৰী হ’ব।
- প্ৰতি গৰাকী মন্ত্ৰীক দুখনকৈ জিলাৰ দায়িত্ব৷ প্ৰয়োজনত পৰৱৰ্তী কেবিনেটত পেকেজ ঘোষণা৷
- কৰোনা সন্দৰ্ভত কেতবোৰ কঠোৰ সিদ্ধান্ত কাইলৈ ঘোষণা কৰিব মুখ্য সচিব-DGPয়ে৷
