মণিপুৰৰ প্ৰাক্তন কলা-সংস্কৃতি মন্ত্ৰী ৱাকাবাম থৈবাৰ মৃত্যু

দীৰ্ঘদিনীয়া অসুস্থতাৰ পিছত ইম্ফল ইষ্ট জিলাৰ নিজ বাসগৃ্হত সোমবাৰে প্ৰাণ ত্যাগ কৰিলে মণিপুৰৰ প্ৰাক্তন কলা আৰু সংস্কৃতি মন্ত্ৰী ৱাকাবাম থৈবাই।

মৃত্যুৰ সময়ত তেওঁৰ বয়স হৈছিল ৭৫ বছৰ।

থৈবাই পত্নীৰ লগতে এগৰাকী কন্যাক এৰি গৈছে।

বৰ্তমান ৰাজ্যৰ মুখ্য মন্ত্ৰী এন বীৰেনে প্ৰতিনিধিত্ব কৰা হেইনগেং সমষ্টিৰ পৰ ১৯৯৫ আৰু ২০০০ চনত এফ পি এম (Federal Party of Manipur) দলৰ হৈ থৈবা দুবাৰ বিজয়ী হৈছিল।

সেই সময়ত ৰাজ্যখনৰ জনপ্ৰিয় দল এফ পি এমৰ থৈবা আছিল প্ৰতিষ্ঠাপক সদস্য।

ৱাহেংবাম নিমাপাচা মুখ্য মন্ত্ৰী থকাৰ সময়ত থৈবা আছিল ৰাজ্যৰ কলা-সংস্কৃতি আৰু সহযোগিতা মন্ত্ৰী।

মন্ত্ৰী থকা অৱস্থাত উত্তৰ-পূবৰ নানা ঠাইত বাস কৰা মণিপুৰীসকলৰ অৱস্থাৰ বুজ ল’বৰ বাবে থৈবাই অসমৰ হোজাইকে ধৰি উত্তৰ-পূবৰ বিভিন্ন ঠাই ভ্ৰমণ কৰিছিল।

ৰাজনীতিত যোগ দিয়াৰ আগতে ইম্ফলৰ অৰিয়েন্তেল কলেজত তেওঁ ৰাজনীতি বিজ্ঞান পঢ়ুৱাইছিল।

বৰ্তমান দেশৰ আই লীগ প্ৰতিযোগিতাত ভাগ লোৱা ৰাজ্যৰ জনপ্ৰিয় ফুটবল দল NEROCAৰ দুবাৰৰ সভাপতি আছিল থৈবা।