মেঘালয়ৰ ৰাজধানী শ্বিলঙৰ লাইটুমখ্ৰা বজাৰতা আজি এক বোমা বিস্ফোৰণ সংঘটিত হোৱাৰ বাতৰি আহিছে।
প্ৰাপ্ত খবৰ অনুসৰি লাইটুমখ্ৰা বজাৰত আজি দিনৰ প্ৰায় ১-৩০ বজাত কম প্ৰাৱল্যৰ বোমাৰ বিস্ফোৰণ ঘটে।
এই ঘটনাত এগৰাকী মহিলা আহত হোৱা বুলি জানিব পৰা গৈছে।
বিস্ফোৰণৰ ফলত ঘটনাস্থলীৰ কাষতে থকা বহু ঘৰৰ খিৰীকিৰ আইনা ভাগি যায়।
বজাৰ খনত চাহৰ দোকান দিয়া মহিলা এগৰাকী আহত হোৱাৰ পিছতে তেওঁক লগে লগে নাজাৰেথ হস্পিতাললৈ নিয়া হয়।
ঘটনাৰ খবৰ পোৱাৰ পিছতে মেঘালয় আৰক্ষীৰ উচ্চ পদস্থ বিষয়াই বজাৰ খনত গৈ উপস্থিত হৈছে আৰু ঘটনাৰ তদন্ত আৰম্ভ কৰিছে।
এতিয়ালৈকে কোনো সংগঠনে বিস্ফোৰণটোৰ দায়িত্ব স্বীকাৰ কৰা নাই।
