দেশৰ সকলো ৰাজহুৱা সম্পদ পুঁজিপতিৰ হাতত এটা এটাকৈ তুলি দিয়াৰ পাছত মোদী চৰকাৰে এইবাৰ বিক্ৰী কৰিলে জয়পুৰ আন্তঃৰাষ্ট্ৰীয় বিমান বন্দৰ
ক্ৰমাৎ প্ৰধান মন্ত্ৰী নৰেন্দ্ৰ মোদীৰ ‘প্ৰাণতম সখা’ আদানীময় হৈ ভাৰত। ইটোৰ পাছত সিটো ৰাজহুৱা সম্পত্তি আদানীক গটোৱাৰ পাছত এইবাৰ জয়পুৰ বিমান বন্দৰৰ স্বত্ব আদানীৰ হাতত তুলি দিলে মোদী চৰকাৰে।
গুৱাহাটী বিমানবন্দৰৰ দায়িত্ব লোৱাৰ দুদিন পিছত এতিয়া আদানি গ্ৰুপে দেওবাৰে নিশাৰ পৰা জয়পুৰ আন্তঃৰাষ্ট্ৰীয় বিমানবন্দৰৰ কাৰ্যকলাপ হাতত ল’বলৈ সাজু হৈছে।
বিভিন্ন সংগঠন আৰু ৰাজনৈতিক দলৰ বিৰোধিতা স্বত্বেও কেন্দ্ৰীয় কেবিনেটে আদানী গোটৰ হাতত পৰৱৰ্তী ৫০ বছৰৰ বাবে জয়পুৰ আন্তঃৰাষ্ট্ৰীয় বিমানবন্দৰ পৰিচালনা, বিকাশ আৰু ৰক্ষণাবেক্ষণৰ অধিকাৰত অনুমোদন জনাইছে।
ভাৰতীয় বিমানবন্দৰ প্ৰাধিকৰণৰ সঞ্চালক জে এছ বলহাৰাই কয়, “আমি শেহতীয়া বিশ্বমানৰ আন্তঃগাঁথনিৰ সৈতে অতি ভাল অৱস্থাত সম্পূৰ্ণ বিমানবন্দৰটো মেচাৰ্ছ আদানি জয়পুৰ আন্তঃৰাষ্ট্ৰীয় বিমানবন্দৰ লিমিটেডক হস্তান্তৰ কৰিছো।”
মোদী চৰকাৰৰ কৃপাদৃষ্টিত যোৱা দুবছৰত ঈৰ্ষণীয় লাভ অৰ্জন কৰিছে আদানীয়ে। সম্প্ৰতি আদানীৰ সম্পত্তিৰ পৰিমাণ ৫০ বিলিয়ন ডলাৰ।
যোৱা বছৰলৈকে গুজৰাটী ব্যৱসায়ীজনৰ সম্পত্তিৰ পৰিমাণ আছিল ১৬.২ বিলিয়ন ডলাৰ।
