আজি অনুষ্ঠিত হোৱা ৰাজ্যিক কেবিনেটৰ বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়। কেবিনেটত লোৱা বিশেষ সিদ্ধান্ত সমূহ এনেধৰণৰ-
১)খাদ্য আৰু অসামৰিক যোগান বিভাগৰ অধীনত যি সমূহ সুলভ মূল্যৰ দোকান আছে আৰু যিবোৰ দোকানত ৫০ খন বা তাতকৈ কম ৰেচন কাৰ্ড আছে সেই সমূহ অন্য সূলভ মূল্যৰ দোকানৰ লগত চামিল কৰা হ’ব।
কিন্তু যি সমূহ দোকান বিধৱা বা শাৰিৰীক ভাৱে সক্ষম লোক সকলৰ হাতত আছে সেই সমূহ দোকানক ইয়াৰ পৰা ৰেহাই দিয়া হৈছে।
২)চিচি টেঙানী ট্ৰাইবেল বেল্টত ৮৯ খন গাওঁ অন্তভুৰ্ক্ত কৰা হৈছে।
৩) শ্ৰম আয়ুক্তৰ মতে শ্ৰমিকৰ সুৰক্ষা, কাম কৰাৰ পৰিবেশ আদি সকলো দিশ সামৰি কেন্দ্ৰীয় চৰকাৰৰ প্ৰতিবেদন অসম চৰকাৰে গ্ৰহণ কৰিছে আৰু পৰৱৰ্তী পৰ্যায়ত ইয়াৰ ৰূপায়ণৰ কাম চলিব।
৫) নতুন থানা, পুৰণি থানাৰ মেৰামতিৰ বাবে, নিৰ্মাণৰ বাবে ১২০ কোটি টকাৰ অনুমোদন।
৬) ৯ হাজাৰ টা ট্ৰেন্সফৰ্মাৰ ক্ৰয় কৰাৰ সিদ্ধান্ত। লগতে ৪২০০টা ট্ৰেন্সফৰ্মাৰ মেৰামতিৰ বাবে সিদ্ধান্ত গ্ৰহণ। লগতে ৭০ টা উপ ষ্টেচন নতুনকৈ নিৰ্মাণৰ সিদ্ধান্ত। ১১ টা ডাঙৰ ট্ৰেন্সফৰ্মাৰ ক্ৰয়ৰ সিদ্ধান্ত। এই খিনি কামৰ বাবে ২৫০ কোটি টকা ধার্য্য কৰা হৈছে।
৭) গ্ৰাম্য অঞ্চলৰ ৪ লাখ ৮০ হাজাৰ ২৯৫ টা ঘৰত বিজুলী সংযোগ দিবলৈ বাকী আছে। সেই সমূহ ঘৰত বিজুলী সংযোগ দিবৰ বাবে ১৭১৮ কোটি টকা অনুমোদন।
৮)ৰাজ্যখনৰ ৪৮,২৩১ টা অংগনাবাড়ী কেন্দ্ৰ আৰু ১৩ হাজাৰ ১২০ খন প্ৰাথমিক স্কুলত বিজুলী সংযোগৰ সিদ্ধান্ত। ইয়াৰ বাবে ১৬১ কোটি টকা অনুমোদন দিয়া হৈছে।
৯)চহৰ অঞ্চলৰ ৬ লাখ ২০ হাজাৰ ১০০ ঘৰত নতুন স্মাৰ্ট মিটাৰ স্হাপনৰ সিদ্ধান্ত। স্মাৰ্ট মিটাৰ হোৱাৰ পিছত বিল অনলাইন, বিদ্যুৎ ঘৰলৈ নোযোৱাকৈ কৰ্তন আৰু সংযোগৰ ব্যৱস্হা কৰিব পৰা যাব।
১০)সদৌ অসম মইনা পাৰিজাতক গুৱাহাটীৰ বেলতলা মৌজাৰ সৰুসজাই গাৱঁত ডেৰ বিঘা মাটি কাৰ্যালয়ৰ বাবে অনুমোদন দিয়া হৈছে।
১১)খিলঞ্জীয়া আৰু জনজাতীয় লোকবিশ্বাস আৰু সংস্কৃতি বিভাগ মুখ্যমন্ত্ৰী হিমন্ত বিশ্ব শৰ্মা চৰকাৰে কিছু দিন পূৰ্বে মুকলি কৰিছিল। অসমৰ খিলঞ্জীয়া লোকৰ লোকবিশ্বাস আৰু সংস্কৃতি উজ্জীৱিত কৰিবৰ বাবে আজি কেবিনেটে এই বিভাগটোৰ অন্তৰ্গত এটা সঞ্চালকালয় মুকলিৰ বাবে সিদ্ধান্ত গ্ৰহণ কৰিছে।
অতি শীঘ্ৰে এই বিভাগটোৰ সঞ্চালককে ধৰি সকলো বোৰ পদৰ নিযুক্তি সম্পূৰ্ণ কৰিবৰ বাবে সিদ্ধান্ত গ্ৰহণ কৰা হৈছে কেবিনেটত।
লগতে মুখ্যমন্ত্ৰীৰ সৈতে ক’ভিডক লৈ আলোচনা হৈছে পূজাৰ পিছতে। এসপ্তাহৰ ভিতৰতে দূৰ্গা পূজাৰ পিছৰ কভিড পৰিস্হিতিক লৈ কিছু সিদ্ধান্ত গ্ৰহণ কৰা হ’ব। শেহতীয়াকৈ দুই তিনিদিনৰ পৰিস্হিতি চাই সিদ্ধান্ত গ্ৰহণ কৰা হ’ব।
