Firing in CRPF Camp সোমবাৰে পুৱতি নিশা ছত্তীশগড়ৰ চুকমা জিলাত অৰ্দ্ধসামৰিক বাহিনী এটা শিৱিৰত এক গুলীচালনাৰ ঘটনা সংঘটিত হয়। এই ঘটনাত ৪জন চিআৰপিএফ জোৱান নিহত হোৱাৰ লগতে আন ৩জন জোৱান আহত হৈছে।
বাতৰি অনুসৰি, এজন সহকৰ্মী চিআৰপিএফ জোৱানে গুলীচালনা কৰাৰ ফলতেই এই জোৱানকেইজন নিহত হয়।
ইতিমধ্যে ছত্তীশগড় আৰক্ষীয়ে নিশ্চিত কৰিছে এই ঘটনাৰ তথ্য।
বস্তাৰৰ আৰক্ষী মহা পৰিদৰ্শক সুন্দৰৰাজ পি য়ে জানিবলৈ দিয়া মতে ৰায়পুৰৰ পৰা প্ৰায় ৪০০কিলোমিটাৰ নিলগত জিলাখনৰ লিংগামপল্লী নামৰ গাঁৱত চিআৰিপিএফৰ ৫০তম বেটেলিয়নৰ শিৱিৰত পুৱতি নিশা চাৰে তিন বজাত ঘটনাটো সংঘটিত হয়।
Also Read: Malnutrition in Indiaপুষ্টিহীনতাত ভূগিছে দেশৰ ৩৩লাখতকৈয়ো অধিক শিশু; কেন্দ্ৰৰ তথ্যত চাঞ্চল্য
চিআৰপিএফৰ এজন জোৱানে তেওঁৰ এ কে-৪৭ ৰাইফলেৰে সহকৰ্মীসকলৰ ওপৰত গুলীচালনা কৰাত ৪জন নিহত হোৱাৰ লগতে ৩জন আহত হয়।
আৰক্ষী মহা পৰিদৰ্শকগৰাকীয়ে জানিবলৈ দিয়া মতে ইতিমধ্যে অভিযুক্ত জোৱানজনক আটক কৰি জেৰা অব্যাহত ৰখা হৈছে।
ইপিনে, আহত চিআৰপিএফ জোৱানকেইজনক স্থানীয় হাস্পাতালত ভৰ্তি কৰোৱা হৈছে।
