কেমেৰাৰ সন্মুখত উচুপি উঠিল মধ্যাহ্ন ভোজন ৰান্ধনীয়ে ।
শিৱসাগৰত সদৌ অসম প্ৰাথমিক আৰু উচ্চ প্ৰাথমিক বিদ্যালয় মধ্যাহ্ন ভোজন ৰান্ধনী/সহায়িকা সন্থাৰ প্ৰতিবাদী কাৰ্যসূচী ।মধ্যাহ্ন ভোজন ৰান্ধনী সকলৰ বিভিন্ন সমস্যা সমাধানৰ দাবীত এই প্ৰতিবাদী কাৰ্যসূচী ।
অসমৰ প্ৰাথমিক ও উচ্চ প্ৰাথমিক বিদ্যালয়ত কৰ্মৰত ১,১৮,৯৯৮ গৰাকী ৰান্ধনী/সহায়িকাক চৰকাৰে প্ৰতাৰণা কৰাৰ অভিযোগ ।
ৰান্ধনী/সহায়িকাৰ মাননী ১৫০০ টকাৰ পৰা ৯৬০০ টকালৈ বৃদ্ধিৰ দাবী জনায়। অন্যহাতেদি তিনিমাহৰ বাকেয়া ধন মুকলি ,ৰান্ধনী /সহায়িকা সকলক পেঞ্চন আৰু মেডিকেলৰ সুবিধা প্ৰদান, মধ্যাহ্ন ভোজন আঁচনিখন বেচৰকাৰী সংস্থাক দিয়াৰ পৰা বিৰত থকা আদি দাবী সম্বলিত স্মাৰক পত্ৰ শিৱসাগৰ জিলা উপায়ুক্ত যোগে মুখ্যমন্ত্ৰীলৈ প্ৰেৰণ কৰে ।
আনহাতে সদৌ অসম প্ৰাথমিক ও উচ্চ প্ৰাথমিক বিদ্যালয় মধ্যাহ্ন ভোজন ৰান্ধনী/সহায়িকা সন্থাৰ উপসভানেত্ৰী খুদেজা খাটুনে জানিবলৈ দিয়ে যে শীঘ্ৰেই অসম চৰকাৰে ৰান্ধনী তথা সহায়িকা সকলৰ সমস্যাৰ সমাধান নকৰিলে তেওঁলোকে জনতা ভৱন ,মুখ্যমন্ত্ৰীৰ বাসগৃহ ,শিক্ষামন্ত্ৰীৰ বাসগৃহ ঘেৰাওৰ দৰে জংগী আন্দোলন কাৰ্যসূচী হাতত লব ।
