ৰাছিয়া-ইউক্ৰেইনৰ মাজত যুদ্ধখন যে আৰু দীঘলীয়া হ’ব সেয়া লাহে লাহে স্পষ্ট হ’বলৈ ধৰিছে। এইবাৰ অষ্ট্ৰেলিয়াই তেওঁলোকৰ ৫০মিলিয়ন ডলাৰৰ সামৰিক সাহায্য পেকেজৰ অংশস্বৰূপে ইউক্ৰেইনলৈ ক্ষেপনাস্ত্ৰ পঠিয়াব।
অষ্ট্ৰেলিয়াৰ প্ৰধানমন্ত্ৰী স্কট মৰিছনে এই কথা সদৰী কৰিছে। মঙলবাৰে এখন সংবাদমেলত মৰিছনে দেশখনে ইউক্ৰেইনক যুদ্ধত সহায় কৰিবলৈ আগবঢ়াৰ কথা জানিবলৈ দিয়ে।
ৰাছিয়াৰ সেনাক প্ৰতিৰোধ কৰিবলৈ অষ্ট্ৰেলিয়াৰ এই অস্ত্ৰ ব্যৱহাৰ কৰা হ’ব। ইউক্ৰেইনৰ সেনা বাহিনীয়ে চলাই থকা প্ৰতিৰোধমূলক যুদ্ধত এই ক্ষেপনাস্ত্ৰই শক্তি বৃদ্ধি কৰিব বুলি মৰিছনে কয়।
লগতে পঢ়ক: যুদ্ধৰ আঁৰৰ যুদ্ধ! ৰাষ্ট্ৰসংঘৰ ১২গৰাকী কূটনীতিকক বহিস্কাৰ কৰিলে আমেৰিকা যুক্তৰাষ্ট্ৰই
মৰিছনে কয়,’’ আমি ৰাষ্ট্ৰপতি ভলোডিমিৰ জেলেনস্কিৰ আহ্বানৰ প্ৰতি সঁহাৰি জনাইছো। তেওঁ কৈছে, তেওঁক উদ্ধাৰ কৰাৰ প্ৰয়োজন নাই, তেওঁক অস্ত্ৰৰহে প্ৰয়োজন। আমি ইউক্ৰেইনক ৫০মিলিয়ন ডলাৰৰ সাহায্য আগবঢ়াম।‘’
আনহাতে, ইউক্ৰেইন এৰিব লগা হোৱা সকললৈ আশ্ৰয়ৰ বাবে মানবিক সাহায্য হিচাপে আৰু ৩৫মিলিয়ন মাৰ্কিন ডলাৰ আগবঢ়াব অষ্ট্ৰেলিয়াই।
