সৰ্ব ভাৰতীয় ফুটবল ফেডাৰেশ্যন (AIFF)ৰ প্ৰাক্তন সভাপতি তথা ফিফা পৰিষদৰ সদস্য প্ৰফুল পেটেলে ফিফাৰ সভাপতি গিয়ান্নি ইনফান্টিনোলৈ এখন পত্ৰ লিখি ফুটবলৰ শীৰ্ষ সংস্থাটোক ভাৰতৰ ওপৰত নিষেধাজ্ঞা আৰোপ নকৰিবলৈ অনুৰোধ জনাইছে।
পেটেলে ইনফাণ্টিনোলৈ লিখা পত্ৰখনত লিখিছে, “মই উল্লেখ কৰিব বিচাৰো যে উচ্চতম ন্যায়ালয়ে ২০২২ চনৰ জুলাই মাহৰ ভিতৰত সকলো সমস্যা সমাধানৰ ক্ষেত্ৰত ক্ষিপ্ৰতা গ্ৰহণৰ কথা প্ৰকাশ কৰিছে।”
লগতে পঢ়ক: যুদ্ধ অপৰাধৰ বিচাৰত ৰুছ সৈন্যক যাৱজ্জীৱন কাৰাদণ্ড বিহিলে ইউক্ৰেইনৰ আদালতে
“মই ফিফা আৰু এছিয়ান ফুটবল কনফেডাৰেশ্যনক এই পৰ্যায়ত নিলম্বন আৰোপ নকৰিবলৈ অনুৰোধ জনাইছো, কিন্তু ইয়াৰ পৰিৱৰ্তে উচ্চতম ন্যায়ালয়ৰ আদেশৰ এই গুৰুত্বপূৰ্ণ দিশটো বিবেচনা কৰিবলৈ আৰু উচ্চতম ন্যায়ালয়ে নিৰ্ধাৰণ কৰা উক্ত সময়সীমাক সন্মান জনাই আৰু পলম হোৱাৰ অনুমতি নিদিয়াকৈ কঠোৰভাৱে অনুসৰণ কৰাৰ প্ৰতিশ্ৰুতি ৰক্ষা কৰিবলৈ আদালতে নিযুক্তি দিয়া প্ৰশাসনীয় কমিটিৰ সৈতে আলোচনা কৰিবলৈ অনুৰোধ জনাইছো।‘’
পেটেলে লগতে কয়, “মই এছিয়ান ফুটবল কনফেডাৰেশ্যন আৰু ফিফাৰ অভিজ্ঞ আইনী গোটসমূহক সৰ্ব ভাৰতীয় ফুটবল ফেডাৰেশ্যনৰ আইনৰ সংশোধনৰ ক্ষেত্ৰত আদালতে নিযুক্তি দিয়া প্ৰশাসনীয় কমিটিৰ সৈতে যোগাযোগ কৰিবলৈ আৰু প্ৰয়োজন হ’লে নিৰ্দেশনা দিবলৈও অনুৰোধ জনাইছো।”
ইয়াৰ পূৰ্বে পেটেলে কৈছিল যে তেওঁ উচ্চতম ন্যায়ালয়ৰ দ্বাৰা নিযুক্ত প্ৰশাসনীয় কমিটিৰ (চিঅ’এ) সৈতে কথা পাতিব আৰু তেওঁলোকক নিৰ্বাচন প্ৰক্ৰিয়া ত্বৰান্বিত কৰিবলৈ ক’ব কিয়নো ভাৰতীয় ফুটবলৰ বাবে এই বিষয়টো পেলাই ৰখাটো অতি ধ্বংসাত্মক হ’ব পাৰে।
লগতে পঢ়ক:জলসিঞ্চনৰ ৪কোটি টকা আত্মস্যাৎ কৰা গোচৰৰ মূল অভিযুক্ত অভিযন্তা সত্যৰাম কলিতাৰ আত্মসমৰ্পণ
পেটেলে কৈছিল যে তেওঁ পৰিষদৰ সদস্য হিচাপে তেওঁৰ পদৰ ব্যৱহাৰ কৰি তেওঁৰ সহকৰ্মীসকলক নিৰ্বাচন প্ৰক্ৰিয়া সম্পূৰ্ণ কৰিবলৈ জুলাইৰ শেষলৈকে দেশখনক সময় দিবলৈ অনুৰোধ জনাব।
