Boris Johnson vs Rishi Sunak ঋষি ছুনাক সম্প্ৰতি ব্ৰিটেইনৰ ৰাজনীতিত এক বহুচৰ্চিত নাম। শেহতীয়াকৈ দেশখনৰ প্ৰধানমন্ত্ৰী বৰিছ জনছনৰ বিৰুদ্ধে অনাস্থা আনি পদত্যাগ কৰি এক আলোড়নৰ সৃষ্টি কৰে। তেওঁ বৰিছ জনছনৰ এজন অন্যতম সমৰ্থক আছিল। কিন্তু ঋষিয়েই পদত্যাগ কৰে। বিত্ত মন্ত্ৰী চাজিদ জাভিদেও একেদিনাই পদত্যাগ কৰে আৰু তাৰপিছতে পদত্যাগটো ব্ৰিটেইন চৰকাৰত পদত্যাগৰ জোৱাৰ উঠে।
বৰিছ জনছনে এতিয়া তেওঁৰ চকী হেৰুওৱাৰ পিছত তত্ত্বাৱধায়ক প্ৰধানমন্ত্ৰী হিচাপে কাম চলাইছে। বৰিছে এতিয়া দলটোৰ ঘনিষ্ঠ লোকসকলক ক’বলৈ আৰম্ভ কৰিছে যে যিয়েই নহওঁক ঋষি ছুনাকক যাতে প্ৰধানমন্ত্ৰী কৰা নহয়।
লগতে পঢ়ক: বিশ্বনাথ আৰক্ষীৰ অভিযানত উৎখাত জাল নোট, নকল সোণৰ ব্যৱসায়ী চক্ৰ; ৫জনক আটক
বিভিন্ন আন্তৰ্জাতিক সংবাদ মাধ্যমত প্ৰকাশিত বাতৰিত এইটো দাবী কৰা হৈছে।
ভাৰতীয় তথ্য প্ৰযুক্তি প্ৰতিষ্ঠান ইনফোচিছৰ মুৰব্বী নাৰায়ণ মূৰ্তিৰ জোঁৱায়েক ঋষি ছুনাক এতিয়ালৈকে কনজাৰ্ভেটিভ দলৰ নেতা হিচাপে ভোট দান হোৱা পৰ্যায়কেইটাত প্ৰধানমন্ত্ৰীৰ দৌৰত স্পষ্টভাৱে আগবাঢ়ি আছে। কিন্তু ইয়াত আনন্দি হ’ব পৰা নাই বৰিছ জনচন।
বৰিছে অৱশ্যে ৰাজহুৱাভাৱে ঋষিৰ পৰিৱৰ্তে প্ৰধানমন্ত্ৰী হ’ব পৰা আন কাৰো নাম লোৱা নাই। ঘনিষ্ঠ সূত্ৰৰ মতে প্ৰধানমন্ত্ৰী হিচাপে লিজ ট্ৰাছ তেওঁৰ প্ৰথম পছন্দ। তেওঁ শপত গ্ৰহণ কৰাৰ পিছতে তেওঁক বৈদেশিক মন্ত্ৰী কৰিছিল। তদুপৰি, তেওঁৰ প্ৰিয় তালিকাত আছে পেনি মৰ্ডাণ্ট।
লগতে পঢ়ক: SEBA ৰ কাণ্ডজ্ঞানহীনতা! গণিতত ৫৩ নম্বৰ পোৱা ছাত্ৰই ১০০ নম্বৰৰে লাভ কৰিলে অসমৰ ভিতৰত দশম স্থান
আন যিয়েই নহওক ‘ঋষি যাতে কেতিয়াও নহয়’ বুলি সহকৰ্মীসকলক আহ্বান জনোৱাৰ কথাসংবাদ মাধ্যমবোৰে দাবী কৰিছে।
সংবাদ মাধ্যমৰ বাতৰি অনুসৰি, বৰিছৰ অনুগামীসকলে ইতিমধ্যে “গোপনে” ঋষিৰ বিৰুদ্ধে এক শক্তিশালী অভিযান আৰম্ভ কৰিছে। অৱশ্যে ঋষিৰ পদত্যাগৰ কেইমিনিটমানৰ ভিতৰতে বৰিছৰ মন্ত্ৰীসভাৰ আন এজন মন্ত্ৰী চাজিদ জাভিদেও পদত্যাগ কৰে। কিন্তু ব্ৰিটেইনৰ তত্ত্বাৱধায়ক প্ৰধানমন্ত্ৰী বৰিছ জনছনৰ তেওঁৰ বিৰুদ্ধে কোনো বিদ্বেষ নাই।
বৰিছে বিশ্বাস কৰে যে ১০ ডাউনিং ষ্ট্ৰীটৰ পৰা তেওঁক বাহিৰ কৰি পঠোৱাৰ আঁৰত তেওঁৰ প্ৰাক্তন বিত্ত মন্ত্ৰী ঋষি ছুনাকৰ হাত আছে।
