Woman’s head wound dressed with condom বিজেপি শাসিত মধ্য প্ৰদেশৰ এটা স্বাস্থ্য কেন্দ্ৰৰ অসহায় অৱস্থা দেখি হতবাক হৈ পৰিছে স্বয়ং ৰাজ্যখনৰ স্বাস্থ্য বিভাগ। মূৰত আঘাত প্ৰাপ্ত এগৰাকী মহিলাক প্ৰাৰম্ভিক চিকিৎসাৰ পিছত স্বাস্থ্য কেন্দ্ৰৰ পৰা জিলা চিকিৎসালয়লৈ প্ৰেৰণ কৰা হৈছিল। জিলা চিকিৎসালয়ৰ চিকিৎসকসকলে দেখিলে যে তেজ বন্ধ কৰিবলৈ ৰোগীৰ মূৰত গজ-বেণ্ডেজৰ সৈতে কণ্ড’মৰ এটা খালী পেকেটো চিলাই কৰি দিয়া হৈছে।
এই ঘটনা সন্দৰ্ভত স্বাস্থ্য বিভাগে ব্যৱস্থা গ্ৰহণ কৰিছে আৰু দোষীক নিলম্বিত কৰা হৈছে।
লগতে পঢ়ক: সৰ্বনাশ কাণ্ড! ৱেব চিৰিজ চাই বন্দুক ক্ৰয় কৰিলে এজন কিশোৰে; বন্ধুবৰ্গক ভয় খুৱাবলৈ গৈ হ’ল গ্ৰেপ্তাৰ
ৰেশ্মা বাই নামৰ এগৰাকী মহিলা মূৰত গুৰুতৰভাৱে আঘাত প্ৰাপ্ত হৈ মোৰেনাৰ পোৰ্চা কমিউনিটি হেল্থ চেণ্টাৰলৈ আহিছিল। স্বাস্থ্য কেন্দ্ৰত উপস্থিত থকা এজন চিকিৎসক আৰু তেওঁৰ সহায়কে লগে লগে তেওঁৰ ৰক্তক্ষৰণ বন্ধ কৰাৰ ব্যৱস্থা কৰে। সেই সময়ত গজ-বেণ্ডেজৰ সৈতে মহিলাগৰাকীৰ মূৰত কণ্ড’মৰ এটা খালী পেকেটো চিলাই কৰি দিয়া হয়।
যেতিয়া ৰোগীজনক মোৰেনা জিলা চিকিৎসালয়লৈ স্থানান্তৰ কৰা হয়,তেতিয়াই বিষয়টো পোহৰলৈ আহে। তাত থকা চিকিৎসকজনে নতুন ড্ৰেছিং কৰিবলৈ ক্ষতস্থানটো চাই দেখা পায় যে মুৰট কণ্ড’মৰ পেকেট গাঁঠি দি বেণ্ডেজ কৰা হৈছে।
বিষয়টো পোহৰলৈ অহাৰ লগে লগে ৰাজ্যখনৰ স্বাস্থ্য বিভাগত জোকাৰণিৰ সৃষ্টি হয়। প্ৰাথমিক তদন্তত জানিব পৰা যায় যে স্বাস্থ্য কেন্দ্ৰটোৰ চিকিৎসক আৰু সহায়কে এই ঘটনাটো ঘটাইছে।
লগতে পঢ়ক: ঋণ বিচৰা গ্ৰাহকক ব্লেকমেইল কৰি ৫০০ কোটি টকা সৰকোৱা চক্ৰ উৎখাত; ২২ জনক গ্ৰেপ্তাৰ দিল্লী আৰক্ষীৰ
জিলা স্বাস্থ্য বিষয়া ডাঃ ৰাকেশ মিশ্ৰাই কয়, “মহিলাগৰাকী ধৰ্মগড়ৰ পৰা চিকিৎসাৰ বাবে আহিছিল। ডাঃ ধৰ্মেন্দ্ৰ ৰাজপুত জৰুৰীকালীন কৰ্তব্যত নিয়োজিত আছিল। তেওঁৰ সৈতে ৱাৰ্ড বয় অনন্ত ৰাম আছিল। চিকিৎসকে ক্ষতস্থানৰ তেজ বন্ধ কৰিবলৈ সহকাৰী ৱাৰ্ড বয়ৰ পৰা ততাতয়াকৈ কাৰ্ড বোৰ্ডৰ দৰে কিবা বিচাৰে। অনন্ত ৰামে চিকিৎসকক কাৰ্ড বোৰ্ডৰ সলনি কণ্ড’মৰ পেকেট এটা দিয়ে। ইয়াৰ ফলতেই এই দুৰ্ভাগ্যজনক ঘটনা ঘটে।
Little did the medical professional at Morena District Hospital in Madhya Pradesh realise that he would discover a condom wrapper inside the bandage of a woman's head injury.#MadhyaPradesh #Morena #madhyapradesh_ig #doctor #doctorlife #condom #condoms #condomchallenge #medical pic.twitter.com/s19V19JDmH
— amit ind (@amitbhatiind) August 20, 2022
বাতৰি অনুসৰি, ঘটনাটোৰ সন্দৰ্ভত পোৰ্চা স্বাস্থ্য কেন্দ্ৰৰ সহায়কক নিলম্বিত কৰা হৈছে। ঘটনাটো যে ব্যক্তিগত হাস্পাতালত নহয়, চৰকাৰী স্বাস্থ্য কেন্দ্ৰতহে সংঘটিত হৈছিল সেয়া স্পষ্ট হোৱাৰ পিছতে ৰাজ্য চৰকাৰৰ স্বাস্থ্য বিভাগ অস্বস্তিত পৰিছে।
