আৰু কিছু বছৰ পিছতে হয়তো বিশ্বৰ সৰ্বাধিক জনসংখ্যাৰ দেশ হৈ নাথাকিব চীন। জনসংখ্যা বিশেষজ্ঞসকলে প্ৰকাশ কৰি অহা মতে চীনক চেৰ পেলাই ভাৰত সৰ্বাধিক জনসংখ্যাৰ দেশত পৰিণত হ’ব। যিকিনহওঁক, চীনৰ মন্থৰ হৈ পৰা জনসংখ্যাৰ বৃদ্ধিৰ গতিত চিন্তিত হৈ পৰিছে বেইজিং।
দেশ খনত লক্ষ্যণীয় ভাবে কমিছে বিবাহৰ সংখ্যাও।চীনত বিবাহৰ সংখ্যা ৩৬ বছৰৰ ভিতৰত নিম্নতম স্তৰত উপনীত হৈছে । চীনৰ ৰাষ্ট্ৰীয় পৰিসংখ্যা ব্যুৰোই প্ৰকাশ কৰা তথ্য অনুসৰি ২০১৩ আৰু ২০১৯ চনৰ ভিতৰৰ এই ছয় বছৰৰ সময়ছোৱাত চীনত বিবাহৰ সংখ্যা ৪১ শতাংশলৈ হ্ৰাস পাইছে।
বিগত বৰ্ষত দেশ খনৰ মাত্ৰ ৭.৬ নিযুত দম্পতীয়ে বিবাহৰ বাবে পঞ্জীয়ন কৰিছিল। এয়া যোৱা ৩৬ বছৰৰ ভিতৰত সৰ্বনিম্ন সংখ্যা। ফলস্বৰূপে চীনত জন্মৰ হাৰ প্ৰতি ১০০০ জন লোকৰ ভিতৰত ৭.৫ শতাংশলৈ হ্ৰাস পাইছে।দেশ খনত ২০২১ চনত বিবাহিত দম্পতীৰ পঞ্জীয়ন আঠ নিযুতৰ তললৈ হ্ৰাস পাইছিল।, যি সংখ্যা আছিল ১৯৮৬ চনৰ পিছত সৰ্বনিম্ন। নিম্ন জন্ম হাৰ আৰু হ্ৰাস হোৱা জনসংখ্যাই উদ্বেগ বৃদ্ধি কৰিছে চীনৰ চৰকাৰ।
এই গতিত চলি থাকিলে ২০২৫ চনৰ ভিতৰত দেশ খনৰ জনসংখ্যা বৃদ্ধিৰ হাৰ আৰু অধিক মন্থৰ হৈ পৰিব। চীনৰ অসামৰিক পৰিক্ৰমা বিকাশ দপ্তৰে প্ৰকাশ কৰা শেহতীয়া পৰিসাংখ্যিক বুলেটিন অনুসৰি ২০২১ চনত বিশ্বৰ আটাইতকৈ জনবহুল ৰাষ্ট্ৰ চীনত বিবাহ পাশত আৱদ্ধ হ’বলৈ কেৱল ৭.৬৪ নিযুত দম্পতীয়ে।
২০২০ চনৰ তুলনাত ২০২১ চনত বিবাহ পাশত আৱদ্ধ হোৱা দম্পতীৰ সংখ্যা ৬.১ শতাংশ হ্ৰাস পাইছে। তথ্যই দেখুৱাইছিল যে একেৰাহে অষ্টম বছৰৰ বাবে বিবাহৰ সংখ্যা হ্ৰাস পাইছে।যোৱা বছৰ বিবাহিত জনসংখ্যাৰ ভিতৰত ২৫ ৰ পৰা ২৯ বছৰ বয়সৰ লোকৰ সংখ্যা আছিল ৩৫.৩ শতাংশ, যি হাৰ ২০২০ চনৰ তুলনাত ০.৪ শতাংশ বেছি আছিল।
যদি জন্মৰ হাৰ হ্ৰাস হৈ গৈ থাকে, তেন্তে চীনত শ্ৰমিক শক্তিও অনাগত বছৰবোৰত নাটকীয়ভাৱে হ্ৰাস পাব ।খাদ্যৰ অভাৱ, উপাৰ্জনৰ অভাৱ, বৰ্ধিত মূল্য, স্বাস্থ্যৰ সমস্যা আদিৰ ফলত দেশৰ লোকসকলৰ মাজত হতাশাৰ সৃষ্টি হৈছে।চীনে ২০১৬ চনত সকলো দম্পতীক দুটা সন্তান জন্ম দিবলৈ অনুমতি দিছিল, কঠোৰ দশক পুৰণি এক সন্তান নীতি বাতিল কৰিছিল । যোৱা বছৰ চীনে চীনা দম্পতীসকলক তিনিটা সন্তান জন্ম দিয়াৰ অনুমতি দিয়া এখন সংশোধিত জনসংখ্যা আৰু পৰিয়াল পৰিকল্পনা আইন গ্ৰহণ কৰা হৈছিল।
