Putin survives an assassination attempt ৰাছিয়াৰ ৰাষ্ট্ৰপতি ভ্লাদিমিৰ পুটিন এক মাৰাত্মক আক্ৰমণৰ পৰা কথমপি পৰিমাণে ৰক্ষা পৰিছে। বৃহস্পতিবাৰে প্ৰকাশিত এক প্ৰতিবেদন অনুসৰি ৰাছিয়াৰ ৰাষ্ট্ৰপতিৰ গাড়ীখন এক বৃহৎ দুৰ্ঘটনাত পতিত হয়। অৱশ্যে দুৰ্ঘটনাত পুটিন সুৰক্ষিত হৈ ৰৈছে।
বাতৰি অনুসৰি, আক্ৰমণটোত জড়িত থকাৰ সন্দেহত কেইবাজনো লোকক আটক কৰা হৈছে আৰু তদন্ত চলাই থকা হৈছে।
ইউৰো উইকলি নিউজ নামৰ এটা সংবাদ সংস্থাৰ প্ৰতিবেদনত পুটিনৰ ওপৰত হোৱা আক্ৰমণৰ ঘটনা পোহৰলৈ আহিছে। অৱশ্যে আক্ৰমণটো কেতিয়া সংঘটিত হৈছিল তাৰ সঠিক সময়ৰ বিষয়ে প্ৰতিবেদনত কোনো তথ্য সদৰী কৰা নাই।
লগতে পঢ়ক: পাকিস্তানৰ প্ৰধানমন্ত্ৰী শ্বাহবাজ শ্বৰীফে ক’লে, ’৭৫ বছৰ ধৰি ভিক্ষাৰ পাত্ৰ লৈ ঘূৰি ফুৰিছো’
ইপিনে, কেইদিনমান পূৰ্বে ৰাছিয়াৰ ৰাজনীতিবিদসকলৰ এটা বৃহৎ অংশই পুটিনৰ পদত্যাগ দাবী কৰিছিল। তেওঁলোকে ইউক্ৰেইনৰ ভূমিত ৰাছিয়াৰ সেনাৰ নিৰন্তৰ বিফলতাৰ বাবে পুটিনক দোষাৰোপ কৰিছিল। সকলো ঘটনালৈ লক্ষ্য কৰি বিশেষজ্ঞসকলে অনুমান কৰে যে আক্ৰমণটো এসপ্তাহ আগতে সংঘটিত হ’ব পাৰে।
পুটিনৰ গাড়ীখন তেওঁৰ বাসগৃহলৈ উভতি অহাৰ সময়ত দুৰ্ঘটনাত পতিত হয়। তেওঁৰ কনভয়ৰ প্ৰথমখন গাড়ীৰ সৈতে এখন এম্বুলেন্সৰ সামান্য সংঘৰ্ষ হৈছিল। ইয়াৰ পিছত কনভয়ৰ দ্বিতীয়খন গাড়ীৰ ব্ৰেক বিফল হয়। কনভয়ৰ তৃতীয়খন গাড়ী আছিল পুটিনৰ লিমুজিন। গাড়ীখনত জুই লাগি গাড়ীখন ক্ষতিগ্ৰস্ত হয় যদিও পুটিন সুৰক্ষিত আছিল। তেওঁক শীঘ্ৰেই উদ্ধাৰ কৰি লৈ যোৱা হয়।
উল্লেখ্য যে কেইদিনমান পূৰ্বে ছেইণ্ট পিটাৰ্ছবাৰ্গৰ কেইবাজনো ৰাজনীতিবিদে পুটিনৰ বিৰুদ্ধে দেশদ্ৰোহৰ অভিযোগ তৰাৰ দাবী জনাইছিল। তেওঁৰ ভুল নীতিৰ বাবেই ৰাছিয়াৰ সেনাই ইউক্ৰেইনত বাৰে বাৰে বিফল হ’ব লগা হৈছে। একে সময়তে পশ্চিমীয়া দেশসমূহৰ নিষেধাজ্ঞাৰ ফলত দেশৰ অৰ্থনীতি ক্ষতিগ্ৰস্ত হৈছে।
লগতে পঢ়ক: বলীউডত ইয়োহানিৰ আত্মপ্ৰকাশ; ‘থ্যাংক গড’; ছবিত এইবাৰ হিন্দীত শুনা যাব ‘মানিকে মাগে হিথে’
ৰাছিয়াৰ ৰাষ্ট্ৰপতি ভ্লাডিমিৰ পুটিনে বৃহস্পতিবাৰে এছচিঅ’ সন্মিলনত অংশগ্ৰহণ কৰিবলৈ উজবেকিস্তান ভ্ৰমণ কৰিব। তাত তেওঁ ভাৰতৰ প্ৰধানমন্ত্ৰী নৰেন্দ্ৰ মোদীৰ সৈতে দ্বিপাক্ষিক বৈঠকত বহাৰ কথা আছে।
